ఐపీఎల్లో సరిగ్గా బ్యాటింగ్ చేయలేకపోయానని ఆస్ట్రేలియా మాజీ కెప్టెన్ స్టీవ్ స్మిత్ అన్నాడు. గత కొన్ని నెలలుగా సరైన ఇన్నింగ్స్ ఆడకపోవడం వల్ల నిరుత్సాహానికి గురైనట్లు చెప్పాడు. ప్రస్తుతం తిరిగి ఫామ్లోకి వచ్చినట్లు ఇటీవలే జరిగిన ఓ ఇంటర్వ్యూలో తెలిపాడు. త్వరలో ప్రారంభమయ్యే సిరీస్లో టీమ్ఇండియా బౌలర్లను అవలీలగా ఎదుర్కొంటానని ధీమా వ్యక్తం చేశాడు.
"ఐపీఎల్లో ఈసారి బ్యాటింగ్ చేసినప్పుడు కొంచెం నిరుత్సాహానికి గురయ్యాను. అద్భుతమైన ఇన్నింగ్స్ ఆడలేకపోయాను. కానీ, కొన్ని రోజులుగా నా బ్యాటింగ్లో మార్పు కనిపించింది. దీనిని నా సన్నిహితులు గమనించారు. ఈ విషయం చాలా ఆనందాన్నిచ్చింది. బ్యాటింగ్ తీరు మెరుగవ్వడానికి నేను నాలుగు నెలలుగా చేస్తున్న ప్రయత్నంలో ఇప్పుడే సరైన ఫలితాన్ని అందుకోగలిగాను. మరోసారి నెట్స్లో ప్రాక్టీసు చేసి, నా బ్యాటింగ్ను బలోపేతం చేసుకోవడానికి ఎంతో ఆసక్తిగా ఎదురుచూస్తున్నాను"