బయోబబుల్లో జీవితం చాలా కష్టంగా ఉంటుందని భారత స్పిన్నర్ రవిచంద్రన్ అశ్విన్ అన్నాడు. కనీస అవసరాలు తీర్చుకునేందుకూ చాలా కష్టపడాల్సి వచ్చిందని తెలిపాడు. ఆస్ట్రేలియా పర్యటనలో భారత ఆటగాళ్లు ఎదుర్కొన్న సమస్యలను గుర్తుచేసుకున్నాడు.
"ఆస్ట్రేలియా పర్యటనలో భాగంగా.. అక్కడి హోటల్స్లో స్వచ్ఛమైన గాలి లేక చాలా ఇబ్బందులు ఎదుర్కొన్నాం. కొన్ని హోటల్స్లో కిటీకీలు తెరిచే అవకాశమూ ఉండేది కాదు. 20 లేదా 25 రోజుల పాటు కనీస అవసరాలు లేకుండా గదిలో ఉండటం చాలా కష్టం. కానీ, టీమ్ వాళ్లతో చాలా దగ్గరయ్యాను."