ఇస్రో ప్రతిష్టాత్మకంగా తలపెట్టిన చంద్రయాన్-2 ప్రయోగంలో విక్రమ్ ల్యాండర్తో సంబంధాలు తెగిపోయిన సంగతి తెలిసిందే. ఈ విషయంపై నిరుత్సాహానికి గురైన ఇస్రో శాస్త్రవేత్తలకు మద్దతుగా నిలిచింది భారత క్రీడా సమాజం. భవిష్యత్తులో మరిన్ని విజయాలు సాధించి తీరతారని ఆశాభావం వ్యక్తం చేసింది.
"విజ్ఞానశాస్త్రంలో ఓటమి అనేదే లేదు. మనం ప్రయోగం చేయాలి.. విజయం సాధించాలి. ఎన్నో రాత్రిళ్లు కష్టించి పనిచేసిన ఇస్రో శాస్త్రవేత్తలను గౌరవిస్తున్నాం. దేశం మిమ్మల్ని చూసి గర్విస్తుంది. జైహింద్" -విరాట్ కోహ్లీ, టీమిండియా కెప్టెన్.
"మీ కఠోర శ్రమ, పట్టుదలను చూసి గర్విస్తున్నాం. మీరు ఓడిపోలేదు. భవిష్యత్తులో మనం మరిన్ని విజయాలు అందుకుంటాం. కలను అలాగే సజీవంగా ఉంచండి" -శిఖర్ ధావన్, టీమిండియా ఓపెనర్
"ఓటమి అనేది ఎక్కడా లేదు. పరిస్థితులను ఎదుర్కొని ముందుకెళ్లడమే మార్గం. ఇస్రో బృందం.. మిమ్మల్ని చూస్తే గర్వంగా ఉంది. మీ పట్టుదలకు, అంకితభావానికి సెల్యూట్" - రిషభ్ పంత్, టీమిండియా క్రికెటర్