దక్షిణాఫ్రికా స్టార్‌ బ్యాట్స్‌మన్‌ ఏబీ డివిలియర్స్... ఐపీఎల్ తర్వాతే దక్షిణాఫ్రికా జట్టులో రీఎంట్రీ ఇవ్వనున్నట్లు తెలుస్తోంది. ఈ ఏడాది జూన్లో శ్రీలంకతో సిరీస్కు ఇతడు ఎంపికయ్యే అవకాశం ఉన్నట్లు సమచారం. జూన్ 1లోపు ఇతడు పునరాగమనంపై స్పష్టత ఇవ్వాలని ఇప్పటికే ఆ జట్టు కోచ్ మార్క్ బౌచర్ డెడ్లైన్ విధించాడు. తుది గడువులోగా అభిప్రాయం చెప్తే, పురుషుల టీ20 ప్రపంచకప్లో స్థానంపైనా ఓ నిర్ణయానికి వస్తామని ఇటీవల బౌచర్ అన్నాడు. ఏబీతో పాటు ఇమ్రాన్ తాహిర్, క్రిస్ మోరిస్.. టీ20ల్లోకి పునరాగమనం చేసే అవకాశం ఉంది.
ఏబీ డివిలియర్స్ రీఎంట్రీ ఆ సిరీస్తోనే?
అంతర్జాతీయ క్రికెట్కు వీడ్కోలు పలికిన దక్షిణాఫ్రికా స్టార్‌ బ్యాట్స్‌మన్‌ ఏబీ డివిలియర్స్.. త్వరలో పునరాగమనం చేయనున్నట్లు సమాచారం. జూన్లో శ్రీలంకతో జరగనున్న సిరీస్కు ఇతడు ఎంపికయ్యే అవకాశాలు కనిపిస్తున్నాయి. త్వరలో ఐపీఎల్లోనూ రాయల్ ఛాలెంజర్స్ బెంగళూరు తరఫున ఆడనున్నాడీ క్రికెటర్.
ఏబీ డివిలియర్స్ ఆ సిరీస్లో రీఎంట్రీ ఇస్తాడా?
ఈనెల 29 నుంచి మొదలుకానున్న ఐపీఎల్లో బరిలోకి దిగనున్నాడు ఏబీ డివిలియర్స్. ఆ తర్వాత ఆ దేశ క్రికెట్కు సేవలందించాలని నిర్ణయించుకున్నట్లు తెలుస్తోంది. గత నెల 21 నుంచి ఆస్ట్రేలియా-దక్షిణాఫ్రికా మధ్య జరుగుతున్న మూడు వన్డేలు, మూడు టీ20ల సిరీస్కు ఇతడు బరిలోకి దిగుతాడని వార్తలు వచ్చాయి. అయితే ఆ జట్టు ఎంపిక చేసే సమయానికి మిస్టర్ 360 తన నిర్ణయం ప్రకటించకపోవడం వల్ల తుది జట్టులో చోటు దక్కలేదు.
2018 మేలో అర్ధాంతరంగా క్రికెట్కు రిటైర్మెంట్‌ ప్రకటించి, ప్రపంచవ్యాప్తంగా అభిమానుల్ని ఆశ్చర్యపరిచాడు ఏబీ. గతేడాది ఇంగ్లండ్‌లో జరిగిన వన్డే ప్రపంచకప్ సందర్భంగా, అతడు పునరాగమనం చేసేందుకు ప్రయత్నిస్తున్నాడనే వార్తలు వినిపించాయి. అప్పట్లో ఈ విషయంపై పెద్ద ఎత్తున చర్చ సాగింది.