డ్రింక్స్‌ బ్రేక్‌లో టీమిండియా బ్యాట్స్మన్ రిషబ్ పంత్ గార్డ్ మార్క్ను ఆస్ట్రేలియా బ్యాట్స్మన్ స్టీవ్ స్మిత్ చెరిపివేశాడని ఆరోపణలున్నాయి. వక్రబుద్ధితో స్మిత్ అలా చేశాడని పెద్దఎత్తున విమర్శలు వచ్చాయి. అయితే దీనిపై స్మిత్ స్పందించాడు. తనపై ఇలాంటి నిందలు రావడం ఎంతో బాధగా ఉందని అన్నాడు.
"నాపై నిందలు రావడం ఆశ్చర్యంగా, బాధగా ఉంది. మా బౌలర్లు ఎలా బౌలింగ్ చేస్తున్నారు, వాటిని ప్రత్యర్థి బ్యాట్స్‌మెన్‌ ఎలా ఎదుర్కొంటున్నారని ఊహిస్తూ.. క్రీజులో గార్డు మార్క్ను చేసుకుని ఆలోచించడం నాకు అలవాటు. కానీ, టీమిండియా ఆఖరి రోజు చేసిన అద్భుత పోరాటాన్ని మరిచి ఈ విషయాన్ని ఎత్తిచూపించడం మాత్రం సిగ్గుచేటుగా అనిపిస్తోంది."