కోహ్లీకి మరో ఝలక్​ ఇచ్చిన స్మిత్​

టెస్టు ర్యాంకింగ్స్​లో కోహ్లీని వెనక్కి నెట్టి అగ్రస్థానం కైవసం చేసుకున్న ఆసీస్​ ఆటగాడు స్టీవ్​ స్మిత్​... మరోసారి విరాట్​కు ఝలక్​ ఇచ్చాడు. ప్రతిష్టాత్మక యాషెస్​లో మరో సెంచరీ చేసి కోహ్లీ శతకాల రికార్డును అధిగమించాడు.

టెస్టు ర్యాంకింగ్స్​లో తొలిస్థానంలో ఉన్న ఆస్ట్రేలియా ఆటగాడు స్టీవ్​ స్మిత్​... సెంచరీల మోత మోగిస్తున్నాడు. యాషెస్​లో భాగంగా ఇంగ్లాండ్​తో జరుగుతోన్న నాలుగో టెస్టు తొలి ఇన్నింగ్స్​లో మరో శతకం సాధించాడు. ఫలితంగా టెస్టు క్రికెట్‌లో 26వ శతకం నమోదు చేసుకున్నాడు. ఈ క్రమంలో టీమిండియా కెప్టెన్ విరాట్ కోహ్లీ (25 టెస్టు సెంచరీలు) రికార్డుని బద్దలుకొట్టాడు. ఈ సిరీస్‌లో ఇప్పటికే రెండు సెంచరీలు, ఒక హాఫ్ సెంచరీతో మంచి ఫామ్​లో ఉన్నాడీ ఆటగాడు.

తాజా శతకంతో ఇంగ్లాండ్​పై అత్యధిక శతకాలు సాధించిన రెండో ఆటగాడిగా రికార్డు సృష్టించాడు. తొలి స్థానంలో ఆసీస్​ దిగ్గజ ఆటగాడు డాన్​ బ్రాడ్​మన్​ (19) ఉన్నాడు. తర్వాతి స్థానంలో ఉన్న స్మిత్​.. 11 సెంచరీలతో కొనసాగుతున్నాడు.

ఇదీ చదవండి..."రాహుల్​కు ఏమైంది..?" మాజీల ఆందోళన