పాకిస్థాన్ సారథి సర్ఫరాజ్ అహ్మద్పై ఆ దేశ మాజీ క్రికెటర్లు షాహిద్ అఫ్రిది, జహీర్ అబ్బాస్ చేసిన వ్యాఖ్యలు చర్చనీయాంశంగా మారాయి. టెస్టు సారథ్య బాధ్యతల నుంచి సర్ఫరాజ్ తప్పుకుంటే దేశ క్రికెట్కు ఎంతో మేలు జరుగుతుందని ఈ ఇద్దరూ అభిప్రాయపడ్డారు. వన్డే, టీ20లకు కెప్టెన్గా మాత్రమే కొనసాగాలని సూచించారు.
" టెస్టు సారథ్య బాధ్యతలకు సర్ఫరాజ్ గుడ్బై చెప్పెస్తే అతడికే మేలు జరుగుతుంది. మూడు ఫార్మట్లకు కెప్టెన్గా వ్యవహరించడం అంటే చాలా భారం మోస్తున్నట్లే. టీ20, వన్డే క్రికెట్ సారథిగా సర్ఫరాజ్ విజయవంతమయ్యాడు కాబట్టి వాటికే కెప్టెన్గా కొనసాగితే మంచి ఫలితం ఉంటుంది".
-అఫ్రిది, పాక్ మాజీ క్రికెటర్
మిస్బావుల్ హక్ సారథిగా తప్పుకున్నాక 2017 నుంచి అన్ని ఫార్మాట్లకు కెప్టెన్గా సర్ఫరాజ్ వ్యవహరిస్తున్నాడు. ప్రపంచకప్లో పాక్ పేలవ ప్రదర్శన కారణంగా విమర్శలు ఎదుర్కొన్నాడు. ఇటీవల ఐసీసీ ప్రకటించిన సుదీర్ఘ ఫార్మాట్ ర్యాంకింగ్స్లో పాకిస్థాన్ జట్టు 7వ స్థానానికి దిగజారడంపై మళ్లీ అతడి కెప్టెన్సీపై చర్చ మొదలైంది.
ఇదే అంశంపై పాక్ లెజెండ్ క్రికెటర్ జహీర్ అబ్బాస్ మాట్లాడాడు. టెస్టు క్రికెట్ చాలా కఠినమైనదని... ఈ ఫార్మట్‌లో కెప్టెన్గా వ్యవహరించడం సవాల్‌తో కూడుకున్నదని అభిప్రాయపడ్డాడు. ఆ సత్తా సర్ఫరాజ్‌కు లేదన్నాడు. వన్డే, టీ20లపై మరింత దృష్టి పెట్టి, టెస్టు సారథ్యం నుంచి తప్పుకుంటే మంచిదని జహీర్ సూచించాడు.
ఇదీ చదవండి...
