'ఐపీఎల్​లో నాపై జాతివివక్ష వ్యాఖ్యలు చేశారు'

ఆఫ్రికన్​-అమెరికన్​ జార్జ్​ ఫ్లాయిడ్​ మృతికి నిరసనగా సామాజిక మాధ్యమాల్లో 'బ్లాక్​ లివ్స్​ మాటర్స్​' ప్రచారం జరుగుతోంది. అందులో భాగంగా తనకు ఎదురైన జాతివివక్ష అనుభవాలను తాజాగా వెల్లడించాడు వెస్డిండీస్​ మాజీ కెప్టెన్​ డారెన్​ సామి. ఐపీఎల్​లో తనపై కొన్ని కామెంట్లు చేశారని తెలిపాడు.

ఐపీఎల్​లో తనపై జాతివివక్ష చూపిస్తూ వ్యాఖ్యలను చేశారని ఆరోపించాడు వెస్టిండీస్​ మాజీ కెప్టెన్​ డారెన్​ సామి. సన్​రైజర్స్​ హైదరాబాద్​కు ప్రాతినిధ్యం వహిస్తున్నప్పుడు ఆ అనుభవాన్ని ఎదుర్కొన్నట్లు తాజాగా వెల్లడించాడు. జార్జ్​ ఫ్లాయిడ్​ మృతికి నిరసనగా సామాజిక మాధ్యమాల్లో చేపట్టిన 'బ్లాక్​ లివ్స్​ మ్యాటర్' ప్రచారంలో భాగంగా ఈ వ్యాఖ్యలు చేశాడు.

డారెన్​ సామి ఇన్​స్టాగ్రామ్​ స్టోరీస్​

"ఐపీఎల్​లో సన్​రైజర్స్​ హైదరాబాద్​ జట్టుకు ప్రాతినిధ్యం వహిస్తున్నప్పుడు నాపై జాతివివక్ష కలిగిన ఓ కామెంట్​ చేశారు. అయితే వాటి అర్థం నాకిప్పుడే తెలిసింది. నన్ను, పెరేరాను అదే విధంగా పిలిచేవారు. అప్పట్లో దాన్ని బలమైన వ్యక్తి అని సంబోధిస్తున్నారని అభిప్రాయపడ్డా. కానీ దానికి అర్థం తెలిసిన తర్వాత నాకు కోపం వచ్చింది".

- డారెన్​ సామి, వెస్టిండీస్​ మాజీ కెప్టెన్​

డారెన్ సామి.. తన అంతర్జాతీయ క్రికెట్​ కెరీర్​లో 38 టెస్టులు, 126 వన్డేలు, 68 టీ20లకు ప్రాతినిధ్యం వహించాడు. రెండు టీ20 ప్రపంచకప్​లకు కెప్టెన్​గా వ్యవహరించాడు.

ఇదీ చూడండి...'వివక్షకు వ్యతిరేకం.. వైవిధ్యానికి ప్రతిరూపం'