రూట్ ద్విశతకం.. టీ విరామానికి ఇంగ్లాండ్​ 454/4

భారత్​తో తొలి టెస్టులో ఇంగ్లాండ్​ భారీ స్కోరు దిశగా దూసుకెళ్తోంది. పర్యటక జట్టు సారథి జో రూట్​.. డబుల్​ సెంచరీ సాధించాడు. టీ సమయానికి 4 వికెట్లు కోల్పోయి 454 పరుగులు చేసింది పర్యటక జట్టు.

ఇంగ్లాండ్​ సారథి జో రూట్​.. చెలరేగి ఆడుతున్నాడు. భారత్​తో తొలి టెస్టులో డబుల్​ సెంచరీ సాధించాడు. టెస్టుల్లో అతడికిది ఐదో ద్విశతకం.

రూట్​ దూకుడుతో.. పర్యటక జట్టు భారీ స్కోరు దిశగా దూసుకెళ్తోంది. టీ విరామానికి 4 వికెట్లు కోల్పోయి.. 454 పరుగులు చేసింది. రూట్​ 209 పరుగులతో అజేయంగా ఉన్నాడు. ఓలివ్​ పోప్​ 24 పరుగులతో కొనసాగుతున్నాడు.

ఇప్పటికే రూట్​.. వరుసగా 3 టెస్టుల్లో150కి పైగా పరుగులు చేసినఆటగాళ్ల జాబితాలో చేరాడు.

స్టోక్స్​తో కలిసి..

తొలి టెస్టు రెండో రోజు.. ఇంగ్లాండ్​ ఆటగాళ్లు రూట్​, స్టోక్స్ దూకుడుగా ఆడారు. భారత బౌలర్లు తేలిపోయారు. తొలి సెషన్లో వికెట్లేమీ తీయలేకపోయారు.

భోజన విరామం తర్వాత.. సెంచరీ దిశగా సాగుతున్న స్టోక్స్​(82)ను పెవిలియన్​ చేర్చాడు నదీమ్​. అనంతరం.. ఓలివ్​ పోప్​తో జట్టు స్కోరును 450 దాటించాడు రూట్​.

భారత బౌలర్లలో బుమ్రా 2 వికెట్లు తీయగా.. అశ్విన్​, నదీమ్​ తలో వికెట్​ దక్కించుకున్నారు. ​