'రోహిత్​ త్వరలోనే మైదానంలో అడుగుపెడతాడు'

న్యూజిలాండ్​పై జరిగిన ఐదో టీ20లో గాయపడిన రోహిత్​ శర్మ.. త్వరలోనే కోలుకుంటాడని కేఎల్​ రాహుల్​ తెలిపాడు. ఈ మ్యాచ్​లో రోహిత్​ ఫిల్డింగ్​కు దిగకపోవడం వల్ల కెప్టెన్​ బాధ్యతలను వికెట్​ కీపర్ కేఎల్​ రాహుల్​ చేపట్టాడు.

ఆదివారం కివిస్​తో జరిగిన చివరి టీ20లో టీమిండియా ఆటగాడు రోహిత్​శర్మ గాయపడ్డాడు. దీనిపై వికెట్​కీపర్​ కెఎల్​ రాహుల్​ స్పందించాడు. అభిమానులు ఎలాంటి ఆందోళన చెందవద్దని.. రోహిత్​ త్వరలోనే మైదానంలో అడుగుపెడతాడని రాహుల్​ స్పష్టం చేశాడు. బ్యాటింగ్​కు దిగిన రోహిత్​ శర్మ.. కాలి పిక్క పట్టేయటం వల్ల ఆట మధ్యలో మైదానాన్ని వీడాడు. దీంతో రోహిత్​ కెప్టెన్ బాధ్యతలను రాహుల్​ చేపట్టాడు. మ్యాచ్​ అనంతరం దీనిపై స్పందించాడు కెఎల్​ రాహుల్​.

భారత్​ బ్యాటింగ్​ లైనప్​లో 1 డౌన్​లో దిగిన రోహిత్​.. 41 బంతుల్లో 60 పరుగులు చేసి రిటైర్డ్​ హర్ట్​గా వెనుదిరిగాడు. రోహిత్​ ఇప్పుడు కుదురుకున్నాడని.. త్వరలోనే పూర్తిగా కోలుకుంటాడని రాహుల్​ తెలిపాడు. మరోవైపు బుధవారం నుంచి న్యూజిలాండ్​తో వన్డే సిరీస్​ ప్రారంభం కానుంది. దీంతో రోహిత్​పై ప్రత్యేక దృష్టి సారించింది బీసీసీఐ. న్యూజిలాండ్​తో జరిగిన చివరి టీ20లో బీసీసీఐ కెప్టెన్​ విరాట్​ కోహ్లీకు విశ్రాంతినిచ్చింది.

ఇదీ చూడండి..బుమ్రా ఖాతాలో అరుదైన రికార్డు