'ఇండియన్ క్రికెటర్' పదాన్ని తొలగించిన రోహిత్

టీమ్​ఇండియా పరిమిత ఓవర్ల వైస్ కెప్టెన్ రోహిత్ శర్మ తన సామాజిక మాధ్యమాల బయో నుంచి 'ఇండియన్ క్రికెటర్' అనే పదాన్ని తొలగించాడు. దీంతో అభిమానుల్లో పలు అనుమానాలు తలెత్తున్నాయి.

టీమ్​ఇండియా పరిమిత ఓవర్ల వైస్ కెప్టెన్ రోహిత్ శర్మ పట్ల బీసీసీఐ వ్యవహరిస్తోన్న తీరుపై అభిమానులు ఆగ్రహంతో ఉన్నారు. ఆస్ట్రేలియా పర్యటనకు ప్రకటించిన జట్టులో రోహిత్​కు స్థానం దక్కకపోవడంపై పలు అనుమానాలు వ్యక్తం చేస్తున్నారు. రెండు మ్యాచ్​లు గాయం కారణంగా దూరమైన మయాంక్ అగర్వాల్​ను మూడు ఫార్మాట్​లలోకి తీసుకున్న సెలక్షన్ కమిటీ.. రోహిత్​కు ఎందుకు స్థానం కల్పించలేదంటూ ప్రశ్నిస్తున్నారు. ఇదిలా ఉంటే తాజాగా రోహిత్ తీసుకున్న ఓ నిర్ణయం ఫ్యాన్స్​ను మరింత అయోమయానికి గురి చేస్తోంది.

రోహిత్ ట్విట్టర్ బయో

సామాజిక మాధ్యమాల్లో రోహిత్​ అకౌంట్​ బయోలో 'ఇండియన్ క్రికెటర్'​ అని ఉండేది. కానీ ఈరోజు ఆ పదాన్ని తొలగించాడు హిట్​మ్యాన్. అందుకు గల కారణం స్పష్టంగా తెలియకపోయినా.. ఆస్ట్రేలియా పర్యటనకు తనను ఎంపిక చేయనందుకే ఇలా చేశాడని భావిస్తున్నారు.