రోహిత్శర్మ.. ఆ పేరు చెప్తే టక్కున గుర్తొచ్చేవి భారీ సిక్సర్లు, స్కోర్ బోర్డుపై పరుగెత్తే అంకెలు. అయితే ఐపీఎల్ 13వ సీజన్ కోసం యూఏఈలో ఉన్నాడు ఈ స్టార్ ప్లేయర్. జట్టుతో కలిసి శిక్షణలో ఉన్న హిట్మ్యాన్.. ప్రాక్టీస్ మ్యాచ్లో ఓ భారీ సిక్సర్ కొట్టాడు. 95 మీటర్ల దూరం వెళ్లిన ఆ బంతి.. రోడ్డుపై వెళ్తున్న బస్సుపై పడింది. తాజాగా ఆ వీడియోను అభిమానులతో పంచుకుంది. ముంబయి ఇండియన్స్ ఫ్రాంఛైజీ.
రోహిత్ భారీ సిక్సర్.. ఎవరికి తగిలిందో తెలుసా?
సిక్సర్లకు పెట్టింది పేరైన రోహిత్శర్మ.. ప్రస్తుతం ఐపీఎల్ కోసం సన్నాహాల్లో ఉన్నాడు. తాజాగా జట్టుతో కలిసి ప్రాక్టీస్ చేస్తున్న హిట్మ్యాన్ భారీ సిక్సర్ బాదాడు. అది కాస్తా వెళ్లి కదులుతున్న బస్సుపై పడింది.
రోహిత్ భారీ సిక్సర్... ఎవరికి తగిలిందో తెలుసా..?
"బ్యాట్స్మెన్ సిక్సర్లు కొడతారు. లెజెండ్లు స్టేడియం బయటికే సిక్సర్ బాదేస్తారు. హిట్మ్యాన్ ఈ రెండింటితో పాటు కదులుతున్న బస్సుపైనా బంతి పడేలా చేయగలడు" అంటూ ఆ పోస్టుకు సరదాగా సందేశాన్ని జోడించింది ముంబయి ఫ్రాంఛైజీ.
ఐపీఎల్ 13వ సీజన్ సెప్టెంబర్ 19 నుంచి ప్రారంభం కానుంది. ఇందులో ఆరంభ మ్యాచ్లో తలపడనున్నాయి రోహిత్, ధోనీ జట్లు. గతేడాది వీరిద్దరూ సారథులుగా ఉన్న ముంబయి ఇండియన్స్, చెన్నై సూపర్కింగ్స్ జట్లు ఫైనల్లో పోటీపడ్డాయి. కాబట్టి వీరిద్దరితోనే టోర్నీ మొదలుపెట్టనున్నారు.