టీమ్ఇండియా జట్టులో ఎన్ని అవకాశాలు వచ్చినా వాటిని అందిపుచ్చుకోవడంలో విఫలమయ్యాడు టీమ్ఇండియా యువ వికెట్ కీపర్ రిషబ్ పంత్. ఆ తర్వాత కేఎల్ రాహుల్ కీపింగ్ బాధ్యతలు చేపట్టి సత్తాచాటాడు. ఫలితంగా పంత్ స్థానంపై నీలి నీడలు కమ్ముకున్నాయి. అయితే ఈసారి ఐపీఎల్లో సత్తాచాటి భారత జట్టులో తన స్థానాన్ని పదిలం చేసుకోవాలన్న కసితో ఉన్నాడు పంత్. అందుకోసం గట్టిగానే శ్రమిస్తున్నాడు.
కసిగా బాదుతున్న పంత్.. ప్రాక్టీస్లో సిక్సుల మోత!
దిల్లీ క్యాపిటల్స్ యువ ఆటగాడు రిషబ్ పంత్ కసిగా ప్రాక్టీస్ చేస్తున్నాడు. ఈసారి ఐపీఎల్లో సత్తాచాటి టీమ్ఇండియా జట్టులో చోటు పదిలం చేసుకోవాలని భావిస్తున్నాడు.
కసిగా బాదుతున్న పంత్
దిల్లీ క్యాపిటల్స్ ప్రాక్టీస్ సెషన్లో సిక్సుల వర్షం కురిపిస్తున్నాడు పంత్. ఆ జట్టు స్పిన్నర్ల బౌలింగ్లో సిక్సర్లతో మోత మోగించాడు. దీనికి సంబంధించిన వీడియోను ఫ్రాంచైజీ సామాజిక మాధ్యమాల్లో షేర్ చేసింది. ఈ వీడియో ప్రస్తుతం నెట్టింట వైరల్గా మారింది.
Last Updated : Sep 8, 2020, 7:29 PM IST