బాలీవుడ్ నటుడు సుశాంత్ సింగ్ రాజ్పుత్ మరణాన్ని ఇప్పటికీ చాలామంది జీర్ణించుకోలేకపోతున్నారు. అతడి మృతికి గల కారణాలు వెలుగులోకి రావాలని, న్యాయం జరగాలని ప్రతిఒక్కరూ కోరుకుంటున్నారు. ఇప్పుడు ఆ జాబితాలోకి క్రికెటర్ సురేశ్ రైనా కూడా చేరాడు. ఇందుకు సంబంధించి ఇన్‌స్టాలో ఒక వీడియో షేర్ చేసి, అతడికి తప్పక న్యాయం జరుగుతుందంటూ విశ్వాసం వ్యక్తం చేశాడు.
"సోదరుడా, నువ్వు ఎప్పుడూ మా హృదయాల్లో సజీవంగా ఉంటావు. నీ అభిమానులు నిన్ను చాలా మిస్‌ అవుతున్నారు. మన ప్రభుత్వం నీకు న్యాయం జరిగేలా చూస్తుందని నమ్ముతున్నా. నువ్వు నిజమైన ప్రేరణ!" అని వ్యాఖ్య జత చేశాడు.