దక్షిణాఫ్రికా పేసర్ రబాడా బౌలింగ్ ఎంత పదునుగా ఉంటుందో అతడి మాటలు అంతే పదునుగా ఉంటాయి. తాజాగా టీమిండియాతో జరుగుతోన్న రెండో టెస్టు తొలి ఇన్నింగ్స్లో పుజారాను ఇలాగే కవ్వించాడీ ఆటగాడు. కానీ పుజారా మాత్రం తన హద్దుల్లో తానున్నాని తెలిపాడు.
పుజారా 58 పరుగులు చేశాక రబాడా బౌలింగ్లో ఔటయ్యాడు. అపుడు రబాడా పుజారాను ఉద్దేశిస్తు కొన్ని వ్యాఖ్యలు చేశాడు. ఈ విషయంపై పుజారా స్పందించాడు.
"రబాడా ఏమన్నాడో గుర్తు లేదు. అతడు ఎపుడు బ్యాట్స్మన్ను కవ్వించడానికి ప్రయత్నిస్తాడు. ఓ బ్యాట్స్మన్గా నాకు ఆ విషయం తెలుసు. నా ఏకాగ్రతకు భంగం కలిగించడానికి బౌలర్లు ఏం చేసినా.. వాటిని పట్టించుకోకుండా నేను నా పరిధిలో ఉంటా."
-పుజారా, టీమిండియా ఆటగాడు
ఈ మ్యాచ్లో పుజారా 112 బంతుల్లో 58 పరుగులు చేసి రబాడా బౌలింగ్లో ఔటయ్యాడు. ఇందులో ఒక సిక్సు,9 ఫోర్లు ఉన్నాయి.
ఇవీ చూడండి.. తనపై తానే సెటైర్ వేసుకున్న చాహల్