పంత్​కు ప్రత్యేక కోచింగ్ అవసరం: ఎమ్మెస్కే

టీమిండియా యువ వికెట్ కీపర్ రిషభ్ ​పంత్​కు కీపింగ్​లో ప్రత్యేకంగా కోచింగ్ ఇవ్వాలని టీమిండియా ప్రధాన సెలక్టర్​ఎమ్మెస్కే ప్రసాద్ అభిప్రాయపడ్డాడు. ఇందుకోసం స్పెషలిస్టు కోచ్​ను​ నియమిస్తామని అన్నాడు.

రిషభ్​ పంత్​.. ఇటీవల పేలవ ప్రదర్శనతో సర్వత్రా విమర్శల పాలయ్యాడు. వెస్టిండీస్​తో సిరీస్​లో ఆకట్టుకున్న ఈ వికెట్ కీపర్​ బ్యాట్స్​మన్​కు స్పెషల్ కోచింగ్ ఇవ్వాలని అన్నాడు టీమిండియా ప్రధాన సెలక్టర్​ ఎమ్మెస్కే ప్రసాద్. వికెట్ కీపింగ్ స్కిల్స్, బ్యాటింగ్​లో నైపుణ్యం పెంచాలని అభిప్రాయపడ్డాడు.

"పంత్​కు​ వికెట్ కీపింగ్​లో నైపుణ్యం మరింత అవసరం. ఇందుకోసం ఓ స్పెషలిస్టు కోచ్​ను నియమించేలా ఏర్పాట్లు చేస్తున్నాం" - ఎమ్మెస్కే ప్రసాద్, ప్రధాన సెలక్టర్​​

వరుసగా విఫలమవుతున్నా.. వికెట్ కీపింగ్​లో పేలవ ప్రదర్శన చేస్తున్నా రిషభ్ పంత్​కు జట్టు యాజమాన్యం నుంచి గట్టి మద్దతు లభిస్తోంది. ఇటీవల జరిగిన బంగ్లా, విండీస్​తో టీ20 సిరీస్​లే ఇందుకు ఉదాహరణ. ఆ సిరీస్​ల్లో బ్యాకప్ కీపర్​గా 15 మంది సభ్యుల జట్టులో సంజూ శాంసన్ ఉన్నప్పటికీ అతడికి ఒక్క అవకాశమూ ఇవ్వకుండా యాజమాన్యం పంత్​ వైపే మొగ్గు చూపింది.

ఇదీ చదవండి: అంతర్జాతీయ క్రికెట్​కు ఫిలాండర్ గుడ్​ బై