స్కూల్​ లెవల్​​ క్రికెట్​ ఆడుతున్నారు: అక్తర్​

కివీస్​తో జరుగుతోన్న రెండో టెస్టులో పాకిస్థాన్​ ఆటగాళ్లు పేలవ ప్రదర్శనతో ఆకట్టుకోలేక పోతున్నారని పాక్​ మాజీ పేసర్​ షోయబ్​ అక్తర్​ అన్నాడు. తమ జట్టు ఆటగాళ్లు న్యూజిలాండ్​ పర్యటనలో పాఠశాల స్థాయి​ ప్రదర్శన చేస్తున్నారని పీసీబీపై ఆగ్రహం వ్యక్తం చేశాడు.

న్యూజిలాండ్​తో జరుగుతోన్న రెండో టెస్టులో పాకిస్థాన్​ జట్టు తడబడుతూ ఆడుతుంది. ఈ నేపథ్యంలో పాక్​ క్రికెటర్ల ఆటతీరుపై ఆ జట్టు మాజీ క్రికెటర్​ షోయబ్​ అక్తర్​ స్పందించాడు. పాఠశాల స్థాయి ఆటగాళ్లను జాతీయ జట్టుకు ఎంపిక చేశారంటూ పాకిస్థాన్​ క్రికెట్​ బోర్డును ఆగ్రహం వ్యక్తం చేశాడు.

"పాకిస్థాన్​ క్రికెట్​ బోర్డు విధానాలేంటో వారు ఎంచుకున్న జట్టును చూస్తే అర్థమవుతుంది. జట్టులో బలహీనమైన ఆటగాళ్లను తీసుకున్నారు. వారి ప్రదర్శన కూడా బలహీనంగా ఉండగా.. మ్యాచ్​ ఫలితాలూ అదే రకంగా వస్తున్నాయి. ఇటీవల జట్ల ఎంపికను గమనిస్తే.. అది పాఠశాల స్థాయి ఆటగాళ్లతో జట్టును కూర్పు చేశారా? అనే అనుమానం కలుగుతుంది. జట్టు యాజమాన్యం ఎప్పుడు మారుతుందా? అని అంటున్నారు. కానీ, మీరు ఎప్పుడూ మారతారు".

- షోయబ్ అక్తర్​, పాకిస్థాన్​ మాజీ పేసర్​

పాకిస్థాన్​తో జరుగుతోన్న రెండో టెస్టులో న్యూజిలాండ్​ కెప్టెన్​ విలియమ్సన్​ (238) డబుల్​ సెంచరీతో అలరించగా.. తొలి ఇన్నింగ్స్​లో 6 వికెట్లు కోల్పోయిన కివీస్​ జట్టు 659 రన్స్​ చేసి డిక్లేర్డ్​ ప్రకటించింది. ఫలితంగా మూడో రోజు​ ముగిసే సమయానికి 362 పరుగుల ఆధిక్యంలో ఆతిథ్య జట్టు ఉంది. కివీస్​ బ్యాట్స్​మన్​ నికోలస్​ (157), మిచెల్​ (102*) అద్భుతమైన బ్యాటింగ్​తో సెంచరీ చేసి ఆకట్టుకున్నారు.

రెండో ఇన్నింగ్స్​లో బ్యాటింగ్​ చేస్తోన్న పాక్.. వికెట్​ నష్టానికి 8 పరుగులు చేసింది. మూడో రోజు ముగిసే సమయానికి 354 పరుగులతో కివీస్​ జట్టు ఆధిక్యంలో ఉంది. పాకిస్థాన్​తో ఆడిన బాక్సింగ్​డే టెస్టులో 101 రన్స్​తో న్యూజిలాండ్​ ఘనవిజయం సాధించింది.

ఇదీచూడండి:ఐపీఎల్​: బెట్టింగ్​ కోసం క్రికెటర్​కు నర్సు​ వల!