బుమ్రా ప్రదర్శనపై అనుమానం అక్కర్లేదు: ఇషాంత్

టీమిండియా పేసర్​​ బుమ్రాపై వస్తున్న విమర్శలపై బౌలర్ ఇషాంత్​శర్మ స్పందించాడు. రెండు మ్యాచ్​ల ప్రదర్శన చూసి అతడిపై ఓ అంచనాకు రావొద్దన్నాడు.

టీమిండియా బౌలర్​ జస్​ప్రీత్​ బుమ్రా ప్రదర్శనపై కొన్ని రోజులుగా వస్తున్న విమర్శలపై ఇషాంత్​శర్మ స్పందించాడు. కొన్ని మ్యాచ్​లు చూసి అతడిపై ఓ అంచనాకు రావొద్దన్నాడు.

"ఒక్క ఇన్నింగ్స్​కే బుమ్రాను ఎలా అంచనా వేయగలుగుతున్నారు. రెండేళ్లలో అతడి ప్రదర్శన మర్చిపోయారా? గతంలో జరిగిన ప్రతి టెస్టులో బుమ్రా, షమి, జడేజా, నేను కలిసి 20 వికెట్లను సునాయసంగా పడగొట్టాం. ఈ విషయాన్ని ఎలా మరిచారు. బుమ్రా ప్రదర్శన పట్ల నాకెలాంటి అనుమానం లేదు. జట్టుకు విజయాన్ని అందిచటంలో అనేక సార్లు బాధ్యత వహించాడు. అతడు కచ్చితంగా రాణిస్తాడని నమ్మకం నాకుంది"

- ఇషాంత్​ శర్మ, టీమిండియా బౌలర్​

కివీస్​తో జరుగుతోన్న మొదటి టెస్టు తొలి ఇన్నింగ్స్​లో ఇప్పటికే మూడు వికెట్లను సాధించాడు ఇషాంత్​.

గతవారం మహ్మద్​షమి ఇదే విషయంపై స్పందించాడు. రెండు మ్యాచ్​ల ప్రదర్శనతో బుమ్రా ఆటతీరు అంచనా వేయలేరని అన్నాడు. దీనిపై కివీస్​ బౌలర్​ టిమ్​ సౌథీ, బుమ్రాకు మద్దతు పలికాడు. కొన్ని మ్యాచ్​ల నుంచి వికెట్​ సాధించకపోయినా అతడి ప్రదర్శన సంతృప్తి కరంగా ఉందన్నాడు.

ఇదీ చూడండి.. దక్షిణాఫ్రికాలో స్టీవ్​స్మిత్​కు మళ్లీ సాండ్​పేపర్​ గోల