వైరల్: ఆర్మీ దుస్తుల్లో ధోనీ క్రికెట్

ఆర్మీ దుస్తుల్లో పిల్లలతో క్రికెట్ ఆడుతున్న ధోనీ ఫొటో సామాజిక మాధ్యమాల్లో వైరల్​గా మారింది. ఇటీవలే లెఫ్ట్​నెంట్​ కల్నల్​గా రెండు వారాల పాటు విధులు నిర్వర్తించాడు మహీ.

టీమిండియా మాజీ కెప్టెన్ మహేంద్ర సింగ్ ధోనీ.. జమ్ముకశ్మీర్‌లో ఇటీవలే సైన్యంలో లెఫ్ట్​నెంట్​ కల్నల్​గా విధులు నిర్వర్తించాడు. ఆ సమయంలో జవాన్లతో వాలీబాల్​ ఆడుతూ కనిపించాడు.

తాజాగా లేహ్‌లో ఓ బాస్కెట్​బాల్​ కోర్టులో పిల్లలతో మహీ క్రికెట్ ఆడుతున్న ఫొటోను చెన్నై సూపర్​ కింగ్స్ ట్విట్టర్​లో పోస్ట్​ చేసింది. అది కాస్త వైరల్​ అవుతోంది.

ప్రపంచకప్​ అనంతరం రెండు నెలల పాటు క్రికెట్​కు బ్రేక్​ ఇచ్చిన మహేంద్ర సింగ్ ధోనీ... జులై 30 నుంచి ఆగస్టు 15 వరకు ఆర్మీలో పనిచేశాడు.

లెఫ్ట్​నెంట్​ కల్నల్​గా మహేంద్ర సింగ్ ధోనీ

ఇది చదవండి: లంబోర్గినిలో పాండ్య సోదరుల రయ్​ రయ్​