టీమిండియా మాజీ కెప్టెన్ మహేంద్రసింగ్ ధోనీ.. త్వరలోనే మళ్లీ బ్యాట్ పట్టనున్నాడు. వచ్చే నెలలో ప్రారంభమయ్యే ఐపీఎల్ కోసం సన్నాహాలు ప్రారంభించాడు. తాజాగా ధోనీకి సంబంధించిన ఓ ఫొటోను చెన్నై ఫ్రాంచైజీ అభిమానులతో పంచుకుంది. అందులో మహీ టీవీలో తమ ఫ్రాంచైజీ కొత్త ప్రకటన చూస్తూ కనిపించాడు.
నెట్టింట ధోనీ లుక్.. అభిమానుల సంతోషం
వచ్చే నెలలో ప్రారంభంకానున్న ఐపీఎల్ కోసం టీమిండియా మాజీ సారథి ధోనీ కసరత్తులు ప్రారంభించాడు. తాజాగా ఇతడికి సంబంధించిన ఓ ఫొటోను సామాజిక మాధ్యమాల్లో పంచుకుంది చెన్నై ఫ్రాంఛైజీ.
ధోనీ
ధోనీ.. 9 నెలల నుంచి అంతర్జాతీయ క్రికెట్కు దూరంగా ఉన్నాడు. గతేడాది ప్రపంచకప్ సెమీస్ తర్వాత మళ్లీ మైదానంలో కనిపించలేదు. ఫలితంగా అతడి రిటైర్మెంట్పై చాలా ఊహాగానాలు వచ్చాయి. అయినా పెదవి విప్పలేదు మహీ.
ప్రపంచకప్ అనంతరం సైన్యంలో పనిచేసిన ధోనీ.. ఆ తర్వాత వివిధ ప్రైవేట్ కార్యక్రమాలకు హాజరవుతున్నాడు. వచ్చే నెలలో జరిగే ఐపీఎల్ కొత్త సీజన్ కోసం సిద్ధమవుతున్నాడు. ఇందులో సత్తాచాటితే టీ20 ప్రపంచకప్ కోసం అతడి పేరును పరిగణలోకి తీసుకుంటామని టీమిండియా కోచ్ రవిశాస్త్రి గతంలోనే చెప్పాడు.
Last Updated : Mar 2, 2020, 9:32 AM IST