టీమిండియా మాజీ కెప్టెన్‌ మహేంద్ర సింగ్ ధోనీని చాలా మిస్సవుతున్నట్లు చెప్పుకొచ్చాడు పేసర్ మహ్మద్ షమి. తనతో ఉన్న అనుబంధాన్ని ఇన్‌స్టా లైవ్‌ చాట్‌లో అభిమానులతో పంచుకున్నాడు.
"ఐపీఎల్ మినహా అన్ని ఫార్మాట్లలో ధోనీతో కలిసి ఆడాను. అతడు చాలా పెద్ద ఆటగాడు. నాకు తనతో చాలా అనుభవాలున్నాయి. ఇప్పుడు కూడా మహీ భాయ్ మళ్లీ వస్తాడని అనుకుంటున్నాం. అతడితో ఆడటం సరదాగా ఉంటుంది. ధోనీ ఎప్పుడూ ఒంటరిగా ఉండడు. అతడి చుట్టూ ఎవరో ఒకరు ఉంటారు. ధోనీ అందరితో కూర్చొని డిన్నర్‌ చేయడానికి ఇష్టపడతాడు. ఆ విషయం నాకెంతో నచ్చుతుంది. అతడి చుట్టూ ఎప్పుడూ ఇద్దరి నుంచి నలుగురు వ్యక్తులు ఉంటారు. రాత్రంతా మేము మాట్లాడుకున్న సందర్భాలున్నాయి. అవన్నీ ఇప్పుడు మిస్ అవుతున్నాం"
-షమి, టీమిండియా ఫాస్ట్ బౌలర్‌.