అఫ్గానిస్థాన్ ఆల్ రౌండర్ మహ్మద్‌ నబీ సంచలన నిర్ణయం తీసుకున్నాడు. టెస్టు కెరీర్‌కు ముగింపు పలకాలని నిర్ణయించుకున్నాడు. కెరీర్‌లో కేవలం మూడు టెస్టు మ్యాచ్‌లు మాత్రమే ఆడిన నబీ.. దీర్ఘకాల ఫార్మాట్కు వీడ్కోలు చెప్పనున్నాడు. ప్రస్తుతం బంగ్లాదేశ్తో జరుగుతున్న ఏకైక టెస్టు అనంతరం నబీ సుదీర్ఘ ఫార్మాట్కు గుడ్ బై చెప్పనున్నాడు.
రషీద్ఖాన్తో కలిసి స్పిన్ ద్వయంగా పేరు తెచ్చుకున్న నబీ బంగ్లాదేశ్తో ఆడుతున్న జట్టులో రిజర్వ్‌ బెంచ్‌కే పరిమితమయ్యాడు. ఇక టెస్టు క్రికెట్‌ నుంచి తప్పుకోవాలనే విషయాన్ని బోర్డుకు తెలిపాడు.