ప్రపంచకప్​లో భారత్​ ఫేవరేట్: మిథాలీ

ప్రపంచకప్​లో భారత్ అదరగొడుతుందని అంటోంది భారత మహిళా క్రికెట్ సారథి మిథాలీ. టీమిండియానే తన ఫేవరేట్​ అని స్పష్టం చేసింది.

ప్రపంచకప్ గెలిచే సత్తా భారత్​కు ఉందని భారత మహిళా క్రికెట్ కెప్టెన్ మిథాలీ చెప్పింది. టీమిండియాలో మ్యాచ్​ విన్నర్లు ఉన్నారని.. ధోని అనుభవం జట్టును ఫేవరేట్​గా నిలిపిందని స్పష్టం చేసింది. కోహ్లీసేనకు మద్దతిస్తూ ట్విట్టర్​లో ఓ పోస్ట్ పెట్టింది.

"ఐపీఎల్‌తో అన్ని జట్లు, ప్రధాన ఆటగాళ్లు ఫామ్‌లో ఉన్నారు. అందరూ ప్రపంచకప్‌ కోసమే ఎదురు చూస్తున్నారు. భారత్‌ ఫేవరెట్‌గా ఇంగ్లాండ్‌ వెళ్తోంది. వన్డేల్లో, ఇతర ఫార్మాట్లలో టీమిండియా అదరగొట్టిన సంగతి తెలిసిందే. అయితే ఇంగ్లాండ్‌కూ అవకాశాలు మెరుగ్గా ఉన్నాయి. వరుసగా 10-15 వన్డేల్లో విజయం సాధించింది. సొంత గడ్డపై ఆడుతుండటం వారికి కలిసొచ్చే అంశం. ఒక భారతీయురాలిగా నేను భారత్‌కే మద్దతిస్తున్నాను.
-మిథాలీ రాజ్, భారత మహిళా క్రికెట్ జట్టు సారథి

"ఓపెనర్లు రోహిత్‌ శర్మ, శిఖర్ ధావన్‌తో కలిసి సారథి విరాట్‌ కోహ్లీ జట్టును నడిపించగలరు. బుమ్రా లాంటి పేసర్లు, మంచి స్పిన్నర్లు మనకు ఉన్నారు. భారీ స్కోర్లు చేసి ప్రత్యర్థిని పరుగులు చేయకుండా అడ్డుకున్న జట్టే మ్యాచ్‌లు గెలుస్తుంది. జట్టులో అన్ని విభాగాలు పటిష్ఠంగా ఉండాలి. మనకు ధోనీ రూపంలో అనుభవజ్ఞుడూ ఉన్నాడు. అందుకే ఏ ఒక్క ఆటగాడి గురించో చెప్పడం కష్టం. టీమిండియాలో చాలా మంది మ్యాచ్‌ విన్నర్లు ఉన్నారు" అని మిథాలీ తెలిపింది.

‘