ఆస్ట్రేలియాతో టీ20 సిరీస్ కోల్పోయిన భారత్.. వన్డేలపై దృష్టి పెట్టింది. ప్రపంచకప్కు ముందు జరిగే ఆఖరి సిరీస్ ఇదే. టీం బ్యాటింగ్ ఆర్డర్, తుది జట్టు ఎంపికలో ఈ సిరీస్ ముఖ్యపాత్ర పోషించనుంది. బలాబలాలు, ప్రయోగాలకూ ఇదే చివరి అవకాశం.
రిషబ్ పంత్, విజయ్ శంకర్లు తమ స్థానాలు పదిలం చేసుకోవాలని భావిస్తున్నారు. టీ20ల్లో సత్తాచాటిన రాహుల్ వన్డే సిరీస్లోనూ నిలకడగా రాణించాలని జట్టు ఆశిస్తోంది.
రాహుల్ మూడోస్థానంలో బ్యాటింగ్కు దిగితే కోహ్లీ నాలుగో స్థానంలో ఆడాల్సి వస్తుంది. కోచ్ రవిశాస్త్రి ఈ విషయమై స్పష్టతనిచ్చాడు. కోహ్లీ నాలుగో స్థానంలో ఆడతాడని.. ఒక్క స్థానం దిగువన రావడం వల్ల ఇబ్బందేమీ ఉండదని స్పష్టం చేశాడు
మాక్స్వెల్ను బ్యాటింగ్ ఆర్డర్లో ముందుకు పంపాలని అనుకుంటోంది ఆసీస్ జట్టు. టీ20 సిరీస్లో ఏడో స్థానంలో దిగి రెచ్చిపోయిన ఈ విధ్వంసకర బ్యాట్స్మెన్ను వన్డేల్లో ముందుకు పంపిస్తామని కెప్టెన్ ఫించ్ తెలిపాడు.
వన్డేల్లో చివరి స్థానాల్లో బ్యాటింగ్ చేయడం కష్టమని.. నాలుగు, ఐదు స్థానాల్లో కొంచెం ఆత్మవిశ్వాసంతో బరిలోకి దిగొచ్చని మాక్స్వెల్ తెలిపాడు.
శనివారం నాడు హైదరాబాద్ ఉప్పల్ స్టేడియంలో జరిగే తొలి వన్డేతో కంగారూలతో సిరీస్ ప్రారంభం అవుతుంది.
