సఫారీలపై కోహ్లీ ఈ రికార్డు సాధించేనా..?

భారత క్రికెట్​ దిగ్గజం సచిన్​ తెందూల్కర్​ రికార్డులను ఒక్కొక్కటి అధిగమిస్తోన్న కోహ్లీని... మరో రికార్డు ఊరిస్తోంది. ఇందుకోసం దక్షిణాఫ్రికాతో టెస్టు సిరీస్​​లో విరాట్​ 281 పరుగులు చేయాల్సి ఉంది.

మాస్టర్​ బ్లాస్టర్​ సచిన్​ తెందూల్కర్​ పేరిట రికార్డును అధిగమించేందుకు కోహ్లీ చేరువలో ఉన్నాడు. ప్రస్తుతం విరాట్​ ఫామ్​ చూస్తే దక్షిణాఫ్రికాతో బుధవారం నుంచి ప్రారంభంకానున్న టెస్టు సిరీస్​​లోనే... ఈ రికార్డు బ్రేక్​ అయ్యే అవకాశముంది. ఇందుకోసం విరాట్​ 281 పరుగులు చేయాల్సి ఉంది. ఫలితంగా అంతర్జాతీయ క్రికెట్‌లో అత్యంత వేగంగా 21 వేల పరుగుల మైలురాయి అందుకున్న తొలి ఆటగాడిగా చరిత్ర సృష్టిస్తాడు.

మాస్టర్​​, లారాతో పోటీ...

సచిన్​ 473 ఇన్నింగ్స్‌ల్లో ​21వేల పరుగులు చేయగా... వెస్టిండీస్​ దిగ్గజం బ్రియన్‌ లారా 485 ఇన్నింగ్స్‌ల్లో సాధించాడు. టీమిండియా కెప్టెన్‌ విరాట్​ ఇప్పటికే అన్ని ఫార్మాట్లలో కలిపి 432 ఇన్నింగ్స్‌ల్లో 20వేల 719 రన్స్​ చేశాడు.

సచిన్​, లారా

దక్షిణాఫ్రికాపై విరాట్​కు గతంలోనూ మంచి రికార్డే ఉంది. సఫారీ జట్టుపై మొత్తం 9 మ్యాచ్‌ల్లో 47.37 సగటుతో 758 పరుగులు చేశాడు. అందులో రెండు శతకాలు, మూడు అర్ధశతకాలు ఉన్నాయి.ప్రోటీస్​ జట్టుపై మూడు మ్యాచ్​ల సిరీస్​లో ఈ ఘనత అందుకుంటాడని అభిమానులు ఆశిస్తున్నారు.

విశాఖపట్టణం వేదికగా అక్టోబర్ 2న భారత్X దక్షిణాఫ్రికా మధ్య మొదటి టెస్టు జరగనుంది. రెండోది పుణెలో, మూడో టెస్టు రాంచీ వేదికగా నిర్వహించనున్నారు.

ఇదీ చూడండి...

• టెస్టుల్లో జోరు చూపేందుకు కోహ్లీసేన రె'ఢీ'..!