కరుణ్ నాయర్.. వీరేంద్ర సెహ్వాగ్ తర్వాత టెస్టుల్లో భారత తరఫున ట్రిపుల సెంచరీ చేసిన ఆటగాడు. తాజాగా ఈ క్రికెటర్ తన ప్రియురాలితో దిగిన ఫొటోను ట్విట్టర్ వేదికగా పంచుకున్నాడు. "నా ప్రేయసి పెళ్లికి ఒప్పుకుంది" అంటూ రాసుకొచ్చాడు. ఈ యువ క్రికెటర్కు అభిమానులతో పాటు పలు క్రికెటర్లు శుభాకాంక్షలు తెలిపారు.
ఆమె పేరు సనయా టంకరివాలా.. తన ఇన్స్టాగ్రామ్లో తరచూ కరుణ్ నాయర్తో దిగిన ఫొటోలను పోస్ట్ చేస్తుంటుంది. కొంత కాలంగా వీరి మధ్య ప్రేమాయాణం సాగుతోంది.
కరుణ్ నాయర్ దేశవాళీ క్రికెట్లో కర్ణాటక తరఫున ఆడుతున్నాడు. ఇప్పటికే ఐపీఎల్లో రాయల్ ఛాలెంజర్స్ బెంగళూరు, రాజస్థాన్ రాయల్స్, దిల్లీ డేర్ డెవిల్స్ జట్లకు ఆడాడు. 2018లో కింగ్స్ ఎలెవన్ పంజాబ్ జట్టుకు ప్రాతినిధ్యం వహించాడు.
2016లో ఇంగ్లాండ్తో జరిగిన సిరీస్లో టెస్టుల్లో అరంగేట్రం చేశాడు కరుణ్. మొదటి సెంచరీనే ట్రిపుల్ సెంచరీ సాధించిన మూడో ఆటగాడిగా రికార్డు సృష్టించాడు. ఆడిన మూడో టెస్టులోనే ఈ ఘనత సాధించడం విశేషం.
ఇవీ చూడండి.. ప్రపంచకప్లో శ్రీలంకకు షాక్.. ప్రదీప్ ఔట్