న్యూజిలాండ్తో జరుగుతున్న తొలి టెస్టులో ఆస్ట్రేలియాకు షాక్ తగిలింది. పెర్త్ వేదికగా జరుగుతున్న మ్యచ్లో కాలి కండరాల గాయంతో ఆ జట్టు స్టార్ బౌలర్ జోష్ హెజిల్వుడ్ తొలి టెస్టుమొత్తానికి దూరమయ్యాడు.
ఇరు జట్ల మధ్య రెండో రోజు ఆట ప్రారంభమైన కాసేపటికే హెజిల్వుడ్కు కండరాలు పట్టేశాయి. ఫిజియో వచ్చి ప్రాథమిక చికిత్స అందించిన ఫలితం లేకపోయేసరికి ఈ నిర్ణయం తీసుకున్నారు. అప్పటికి అతడు 8 బంతులే బౌలింగ్ చేశాడు.
"కాలి కండరాల గాయంతో ఆస్ట్రేలియా బౌలర్ జోష్ హెజిల్వుడ్ తొలి టెస్టుకు దూరమయ్యాడు. ఈ కారణంగా అతడు తొలి టెస్టు మొత్తానికీ దూరమయ్యాడు" -ఐసీసీ ట్వీట్
ఈ మ్యాచ్లో మొదట బ్యాటింగ్ చేసిన ఆసీస్ తొలి ఇన్నింగ్స్లో 416 పరుగులు చేసింది. లబుషేన్(143) శతకం చేసి మరోసారి అదరగొట్టాడు. ప్రస్తుతం కివీస్ 8 వికెట్ల నష్టానికి 165 పరుగులు చేసింది. స్టార్క్ 5 వికెట్లు తీయగా హేజిల్వుడ్ ఓ వికెట్ తన ఖాతాలో వేసుకున్నాడు.
ఇదీ చదవండి: వైరల్: 4.5 సెకండ్లలోనే బాస్కెట్లో బంతి..!