'కివీస్ ఆటగాళ్లకు ఐపీఎల్​ ఎంతో ఉపయోగపడింది'

ఇండియన్ ప్రీమియర్ లీగ్​ న్యూజిలాండ్ క్రికెటర్లకు ఎంతగానో ఉపయోగపడిందని అంటున్నాడు కివీస్ సీనియర్ ఆటగాడు రాస్ టేలర్. ఈ టోర్నీ వల్ల వివిధ దేశాల ప్లేయర్ల ఆటతీరును తెలుసుకునే వీలు కలిగిందని తెలిపాడు.

ప్రపంచ క్రికెట్​ లీగ్​ల్లో ఇండియన్ ప్రీమియర్​ లీగ్ ఎంతో పేరుగాంచింది. ఎంతోమంది విదేశీ ఆటగాళ్లు ఈ టోర్నీలో ఆడేందుకు ఆసక్తి చూపుతారు. ఆటగాళ్లను ఇంతగా ఆకర్షిస్తోన్న ఐపీఎల్.. క్రికెటర్లు ఆటను మెరుగుపర్చుకునేందుకు ఉపయోగపడుతుందని అంటున్నాడు న్యూజిలాండ్ క్రికెటర్ రాస్ టేలర్.

"ఐపీఎల్​లో ఆడటాన్ని అదృష్టంగా భావిస్తున్నా. గొప్ప గొప్ప ఆటగాళ్లతో కలిసి ఆడేందుకు వీలు కలిగింది. ఈ టోర్నీ న్యూజిలాండ్​ క్రికెట్​కు ఎంతగానో ఉపయోగపడింది. వివిధ దేశాల ఆటగాళ్ల ఆటను దగ్గరగా చూసే వీలు కలిగి వారి ఆటతీరును అంచనా వేసేందుకు వీలైంది".

-రాస్ టేలర్, కివీస్ ఆటగాడు

ఐపీఎల్​లో రాజస్థాన్ రాయల్స్, రాయల్ ఛాలెంజర్స్ బెంగళూరు, రైజింగ్ పుణెకు ప్రాతినిధ్యం వహించాడు టేలర్. మొత్తం 55 మ్యాచ్​ల్లో 25.42 సగటుతో 1,017 పరుగులు సాధించాడు.

ప్రస్తుతం శ్రీలంకతో రెండు టెస్టుల సిరీస్​కు సిద్ధమవుతోంది న్యూజిలాండ్ జట్టు. ఆగస్టు 14న ఈ సిరీస్ ప్రారంభం కానుంది.

ఇవీ చూడండి.. టీమిండియా క్రికెటర్లకు ఇకపై డోప్​ పరీక్షలు..!