ఎన్నికల తేదీల్లోనూ ఐపీఎల్

ఐపీఎల్ పూర్తి షెడ్యూల్​ని విడుదల చేసింది బీసీసీఐ. ఎన్నికలు దృష్టిలో ఉంచుకుని మొదటి రెండు వారాల ఐపీఎల్ షెడ్యూల్​ని ఇప్పటికే ప్రకటించింది. మిగతా మ్యాచ్​ల​ వివరాలను మంగళవారం విడుదల చేసింది

ఐపీఎల్-2019 సీజన్ పూర్తి షెడ్యూల్ వచ్చేసింది. మార్చి 23న చెన్నై చెపాక్​లో తొలి మ్యాచ్ ప్రారంభం కానుండగా, మే5న ముంబయి, కోల్​కతా చివరి మ్యాచ్​తో లీగ్ దశ ముగియనుంది. ఈ మ్యాచ్ ముంబయి వేదికగా జరగనుంది. మంగళవారం నాడు బీసీసీఐ అధికారికంగా ఈ షెడ్యూల్​ను విడుదల చేసింది. ప్లే ఆఫ్, ఫైనల్ మ్యాచ్​ల వివరాలు త్వరలో ప్రకటించనుంది బీసీసీఐ.

సార్వత్రిక ఎన్నికలను దృష్టిలో ఉంచుకుని మొదటి రెండు వారాల(ఏప్రిల్ 5వరకు) ఐపీఎల్ షెడ్యూల్​ను ఇప్పటికే విడుదల చేశారు. అన్ని మ్యాచ్​లు భారత్​లోనే నిర్వహించనున్నట్లు జనవరిలోనే బీసీసీఐ ప్రకటించింది. తొలి మ్యాచ్ చెన్నై, బెంగళూరు మధ్య జరుగుతుంది.