హైదరాబాద్ వేదికగా ఆస్ట్రేలియాతో జరిగిన మొదటి వన్డేలో టీమిండియా శుభారంభం చేసింది. 237పరుగుల లక్ష్యాన్ని ఛేదించి ఐదు వన్డేల సిరీస్ను ఘనంగా ఆరంభించింది. ఐదో వికెట్కు ధోని- జాదవ్ జోడి అభేద్యమైన 141 పరుగులు జోడించి విజయంలో కీలక పాత్ర పోషించారు. జాదవ్ "మ్యాన్ ఆఫ్ ది మ్యాచ్"గా నిలిచాడు.
ధోని-జాదవ్ "షో"..
విమర్శలు వచ్చిన ప్రతీసారి బ్యాట్తోనే సమాధానం చెప్తూ వచ్చాడు మహేంద్ర సింగ్ ధోని. ఈ మధ్య జరిగిన టీ20లోనూ అతని ఆటతీరుపై విమర్శలొచ్చాయి. ఈ రోజు వన్డేలో ధోని ఆటపైఎంత చెప్పుకున్నా తక్కువే. నిలకడ ప్రదర్శిస్తూ అవసరమైన సమయంలో పరుగులు రాబట్టాడు. మహేంద్రుడికి తోడుగా అర్ధ శతకంతో ఆకట్టుకున్నాడు జాదవ్. ఇద్దరుతుది వరకు నిలిచి విజయం తెచ్చిపెట్టారు.
అంతకు ముందు భారత్ బ్యాటింగ్ ఆరంభించిన వెంటనే ధావన్ డకౌట్గా వెనుదిరిగాడు. తర్వాత వచ్చిన కోహ్లి, రోహిత్తో కలిసి స్కోరు బోర్డును నెమ్మదిగా పరుగులు పెట్టించాడు. రెండో వికెట్కు వీరిద్దరు76 పరుగుల భాగస్వామ్యం నెలకొల్పారు. రోహిత్ 37 పరుగులు చేయగా, సారధి కోహ్లి 44 పరుగులతో రాణించాడు. రాయుడు 13 పరుగులు మాత్రమే చేశాడు.
తేలిపోయిన కంగారుల బౌలింగ్..