వెస్టిండీస్ పర్యటనలో ఉన్న టీమిండియా.. తొలి టెస్టులో ఘనవిజయం సాధించింది. ఆ మ్యాచ్ తొలి ఇన్నింగ్స్లో పేస్ బౌలర్ ఇషాంత్ శర్మ ఐదు వికెట్లతో సత్తాచాటాడు. శుక్రవారం రెండో టెస్టు ప్రారంభం కానుంది. ఈ మ్యాచ్లో మరో వికెట్ తీస్తే.. భారత దిగ్గజ బౌలర్ కపిల్దేవ్ను అధిగమిస్తాడు ఇషాంత్.
ఆసియా బయట దేశాల్లో అత్యధిక టెస్టు వికెట్లు తీసిన భారత బౌలర్లలో అనిల్ కుంబ్లే (200) అగ్రస్థానంలో ఉన్నాడు. కపిల్ దేవ్ (155) రెండో స్థానంలో ఉన్నాడు. విండీస్తో జరిగిన తొలి టెస్టులో ఎనిమిది వికెట్లు తీసిన ఇషాంత్ (155) కపిల్ సరసన నిలిచాడు. మరో వికెట్ తీస్తే ఈ లెజెండరీ బౌలర్ను అధిగమించి రెండో స్థానానికి వెళతాడు.