భారత్-వెస్టిండీస్ టీ20 సిరీస్ నేటి నుంచే ఆరంభం కానుంది. అమెరికా ఫ్లోరిడా వేదికగా రాత్రి 8 గంటలకు మ్యాచ్ ప్రారంభం కానుంది. ఈ సిరీస్లో కుర్రాళ్లకు అవకాశం కల్పించారు సెలక్టర్లు. మరి ఈ టీ20 సిరీస్ సందర్భంగా కొన్ని ఆసక్తికర అంశాలను చూద్దాం.
ఇరుజట్లు టీ-20ల్లో ముఖాముఖి 11 సార్లు తలపడగా.. చెరో ఐదు పర్యాయాలు గెలిచాయి. ఓ మ్యాచ్లో ఫలితం తేలలేదు. చివరగా విండీస్లో ఆడిన 3 మ్యాచ్ల్లో రెండింటిలో ఓడింది టీమిండియా.
- 2016లో అమెరికాలోని లౌదర్హిల్ వేదికగా జరిగిన టీ20 మ్యాచ్లో ఇరుజట్లు అత్యధిక స్కోర్లు నమోదు చేశాయి. ఆ మ్యాచ్లో విండీస్ 245 పరుగులు చేయగా.. భారత్ 4 వికెట్లు కోల్పోయి 244 పరుగులు చేసి త్రుటిలో ఓడింది.
- ఇరుజట్ల మధ్య జరిగిన టీ20ల్లో విండీస్ ఆటగాడు ఎల్విన్ లూయిస్ అత్యధిక వ్యక్తిగత పరుగులు సాధించాడు. 62 బంతుల్లో 125 పరుగులతో ఆకట్టుకున్నాడు. 2017 కింగ్స్టన్ వేదికగా ఈ మ్యాచ్ జరిగింది. అత్యధిక సిక్సర్లు నమోదు చేసిన రికార్డూ లూయిస్ పేరిటే ఉంది.
- లూయిస్ తర్వాత అత్యధికంగా రోహిత్ శర్మ 111 పరుగులు చేశాడు. 2018లో జరిగిన మ్యాచ్లో ఈ స్కోరు సాధించాడు.
- విండీస్ గడ్డపై ఇరు దేశాల మధ్య ఇప్పటివరకు జరిగిన టీ20 మ్యాచ్ల్లో అత్యధిక స్కోరు 194. ఆతిథ్య జట్టే ఈ రికార్డు నమోదుచేసింది.
- ఇరుజట్లలో డారెన్ సామి ఉత్తమ బౌలింగ్ ప్రదర్శన చేశాడు. 2011లో పోర్ట్ స్పెయిన్లో జరిగిన మ్యాచ్లో కేవలం 16 పరుగులిచ్చి 4 వికెట్లు తీశాడు.