ప్రస్తుతం టీమిండియాలో దూకుడు ప్రదర్శిస్తున్న క్రికెటర్లు కెప్టెన్ విరాట్ కోహ్లీ, ఓపెనర్ రోహిత్ శర్మ. అంతర్జాతీయ క్రికెట్లో పరుగుల మోత మోగిస్తున్నవీరిద్దరూ పలు రికార్డులు కైవసం చేసుకుంటున్నారు. అయితే వీరిద్దరి మధ్య ఓ ఆసక్తికర పోరుకు విండీస్-భారత్‌ టీ20 సిరీస్ వేదిక కానుంది.
టాప్ ప్లేస్ ఎవరి సొంతం?
అంతర్జాతీయ టీ20లో భారత బ్యాట్స్మెన్ హవా కొనసాగుతోంది. 2007లో పొట్టి ఫార్మాట్లో అడుగుపెట్టిన రోహిత్శర్మ.. అత్యధిక పరుగుల చేసిన వారిలోప్రస్తుతం అగ్రస్థానంలో ఉన్నాడు. ఇప్పటివరకు 92 ఇన్నింగ్స్లు(100 మ్యాచ్లు) ఆడి 2,537 పరుగులు చేశాడు.
2010లో టీ20ల్లోకి ఎంట్రీ ఇచ్చిన విరాట్... 67 ఇన్నింగ్స్ల్లో(71 మ్యాచ్లు) 2,450 పరుగులు చేసి రెండో స్థానంలో ఉన్నాడు. వీరిద్దరి మధ్య 87 పరుగుల అంతరమే ఉంది.
ఈ ఏడాది చివరి మూడు మ్యాచ్లు టీ20 సిరీస్ను విండీస్తో ఆడనుంది టీమిండియా.ఈ నేపథ్యంలో ఈ ఇద్దరు బ్యాట్స్మెన్ స్థానాలు మారుతాయా? అలానే ఉంటాయా? అనేది చూడాలి. ఈ జాబితాలో మూడో స్థానంలో న్యూజిలాండ్‌ క్రికెటర్‌ మార్టిన్‌ గప్టిల్‌(2386) ఉన్నాడు.
అర్ధశతకాల్లోనూ...
అంతర్జాతీయ టీ20ల్లో ఎక్కువ సార్లు 50కి పైగా పరుగులు చేసిన వారి జాబితాలో రోహిత్-కోహ్లీలు పోటీపడుతున్నారు. వీరిద్దరూ 22 సార్లు యాభైకి పైగా పరుగులు చేసి, సంయుక్తంగా అగ్రస్థానంలో ఉన్నారు. ఇందులో రోహిత్ శర్మ 18 అర్ధ శతకాలు, 4 సెంచరీలతో 22సార్లు యాభైకి పైగా పరుగుల్ని సాధించాడు. కోహ్లీ.. 22 హాఫ్‌ సెంచరీలు నమోదు చేశాడు. వీరిద్దరి తర్వాత మార్టిన్‌ గప్టిల్‌(17) మూడో స్థానంలో కొనసాగుతున్నాడు.
