బంగ్లాతో టీ20 ముందు రోహిత్​శర్మకు గాయం..!

బంగ్లాతో టీ20 సిరీస్​కు సిద్ధమౌతున్న టీమిండియాకు షాక్​ తగిలింది. నేడు దిల్లీలోని ఫిరోజ్​షా కోట్లా మైదానంలో ప్రాక్టీసులో పాల్గొన్న హిట్​మ్యాన్​ ఎడమ తొడకు బంతి తగిలి గాయమైనట్లు సమాచారం.

బంగ్లాదేశ్​తో టీ20 సిరీస్​కు ముందు సారథి రోహిత్​శర్మ గాయపడినట్లు తెలుస్తోంది. నేడు ఫిరోజ్​షా కోట్లా మైదానంలో ప్రాక్టీసు చేస్తుండగా... ఎడమ తొడ భాగంలో బంతి గట్టిగా తాకినట్లు సమాచారం. వెంటనే అతడికి విశ్రాంతినిచ్చింది యాజమాన్యం. ఆదివారం జరగనున్న మ్యాచ్​కు పూర్తిగా కోలుకుంటాడని భావిస్తోంది. త్వరలో దీనిపై అధికారిక ప్రకటన రానుంది.

ఈ టీ20 సిరీస్​కు విరాట్​ కోహ్లీకి విశ్రాంతి నిచ్చిన యాజమాన్యం... రోహిత్​కు కెప్టెన్సీని అప్పగించింది. ప్రాక్టీసు సెషన్​లో రిషబ్​ పంత్​ కీపింగ్​ చేయగా.. సంజూ శాంసన్​ ఫీల్డర్​గానే కనిపించాడు. ఆల్​రౌండర్​ శివమ్​ ధూబే నెట్స్​లో శ్రమిస్తూ కనిపించాడు.