ఐఐటీ మద్రాస్​ సెమిస్టర్​ పరీక్షలో ధోనీపై ప్రశ్న

ఐపీఎల్​... ప్రస్తుతం ఎక్కడ చూసినా ఇదే సందడి. మరి అలాంటి వాటిపై యువత ఎక్కువగా దృష్టిపెడతారని ఓ ఫ్రొఫెసర్​ ఆలోచించారు. ఇంకేముంది దానిపైనే సెమిస్టర్​ పరీక్షలో ప్రశ్న సంధించారు. ఈ విషయం ప్రస్తుతం నెట్టింట వైరల్​ అయింది.

ప్రఖ్యాత విశ్వవిద్యాలయం ఐఐటీ మద్రాస్​ నిర్వహించిన ఓ సెమిస్టర్​ పరీక్షలో క్రికెట్​పై ఓ ప్రశ్న వచ్చింది. మంగళవారం చెన్నై సూపర్​కింగ్స్​, ముంబయి ఇండియన్స్​ మధ్య క్వాలిఫయర్-1 ​ జరగనుంది. అయితే ఈ మ్యాచ్​లో పిచ్​ పరిస్థితులు ఉదాహరణగా చూపించి 5 మార్కులకు ప్రశ్న అడిగారు. విశేషమేంటంటే పిచ్​పై తేమ, వాతావరణం వంటి అంశాలను విశ్లేషించి... టాస్​ గెలిస్తే ధోనీ బ్యాటింగ్​ ఎంచుకుంటాడా.?? ఫీల్డింగ్​​ ఎంచుకుంటాడా అనేది చెప్పాలని అడిగారు. సమాధానం సమర్థించుకునే దగినదిగా లేకపోతే మార్కులు ఇవ్వమని నోట్​ పాయింట్లో తెలిపారు.

దీన్ని తాజాగా ఐసీసీ తన ట్విట్టర్లో పోస్టు చేసింది. ప్రొఫెసర్​ చేసిన పనిని మెచ్చుకుంటూ... నిజ జీవిత అంశాలతో పరీక్షలు నిర్వహించడం బాగుందని ప్రశంసలు కురిపించింది. ధోనీ మరి టాస్​ గెలిస్తే ఏం ఎంచుకుంటాడో చెప్పాలని అభిమానులను కోరింది ఐసీసీ.