టీమిండియా వరుసగా మూడో ఏడాది టెస్టు ర్యాంకింగ్స్లో అగ్రస్థానాన్ని నిలుపుకుంది. ఫలితంగా.. టెస్టు ఛాంపియన్షిప్ గదను వరుసగా మూడోసారి గెల్చుకుంది. ఫిబ్రవరిలో ఆస్ట్రేలియాపై టెస్టు సిరీస్ నెగ్గిన కోహ్లీసేన.. తాజా ఐసీసీ ర్యాంకింగ్స్లో తొలిస్థానాన్ని పదిలపరచుకుంది. న్యూజిలాండ్ రెండో స్థానంలో ఉంది.
ముచ్చటగా మూడోసారి ఐసీసీ గద భారత్దే
ఐసీసీ టెస్టు ఛాంపియన్ షిప్ గదను వరుసగా మూడో ఏడాది నిలుపుకుంది టీమిండియా. సోమవారం ఐసీసీ ప్రకటించిన ర్యాంకింగ్స్లో అగ్రస్థానాన్ని పదిలపరచుకుంది.
విరట్ కోహ్లి
"వరుసగా మూడో ఏడాది ఐసీసీ టెస్టు ఛాంపియన్ షిప్ నిలుపుకోవడం గర్వంగా ఉంది. మా జట్టు అన్ని ఫార్మాట్లలో రాణించినా.. టెస్టుల్లో మొదటి స్థానంలో ఉండటమనేది ఎక్కువ ఆనందాన్ని కలిగిస్తోంది"-- విరాట్ కోహ్లీ
ఐసీసీ టెస్టు ఛాంపియన్షిప్లో మొదటి ర్యాంకులో నిలిచిన టీమిండియా ఒక మిలియన్ డాలర్లు గెలుచుకుంది. వచ్చే ఏడాది ప్రపంచ టెస్టు ఛాంపియన్షిప్ కల్లా తాము మరింత మెరుగవడానికి కృషి చేస్తామని సారథి విరాట్ అన్నాడు. వరల్డ్ టెస్టు ఛాంపియన్ షిప్ ఫైనల్ 2021లో జరగనుంది. 27 టెస్టు సిరీస్లలో 71 మ్యాచ్ల ప్రదర్శనను బట్టి ఫైనల్కు అర్హత సాధిస్తాయి జట్లు. టెస్టు అర్హత ఉన్న 9 దేశాలు ఇందులో పాల్గొననున్నాయి.