ఎస్పీ బాలు మృతిపై క్రీడాలోకం దిగ్భ్రాంతి
ప్రముఖ సింగర్ ఎస్పీ బాలు మృతిపై క్రీడాలోకం దిగ్భ్రాంతి చెందింది. రాబోయే తరాలకు ఆ గొంతుక ఓ స్ఫూర్తి అని అన్నారు.
Sports fraternity mourns death of SP Balasubrahmanyam
ప్రముఖ గాయకుడు ఎస్పీ బాలసుబ్రహ్మణ్యం మరణం పట్ల యావత్‌ దేశం దిగ్ర్భాంతికి లోనైంది. ఇప్పటికే దేశవ్యాప్తంగా సినీ, రాజకీయ ప్రముఖులు సంతాపం తెలిపారు. ఈ క్రమంలోనే పలువురు క్రికెటర్లు సైతం ఆయన మృతిపట్ల విచారం వ్యక్తం చేశారు. ట్విటర్‌ వేదికగా ఎస్పీబీ కుటుంబసభ్యులకు, బంధుమిత్రులకు ప్రగాఢ సానుభూతి ప్రకటించారు.
- గాన గంధర్వుడు కన్నుమూశారనే వార్త తీవ్ర దిగ్ర్భాంతికి గురిచేసింది. ఆయన గొంతుక రాబోయే తరాలకు స్ఫూర్తిదాయకం. ఎస్పీబీ కుటుంబ సభ్యులకు, బంధు మిత్రులకు ప్రగాఢ సానుభూతి తెలియజేస్తున్నా. ఓం శాంతి. -సురేశ్‌ రైనా
- బాలసుబ్రహ్మణ్యం మృతి పట్ల సంతాపం తెలియజేస్తున్నాను. మనందరికీ ఆయన ఎన్నో ఆణిముత్యాలను వదిలి వెళ్లారు. -హర్షాభోగ్లే
- ఎస్పీబీ ఇక లేరని తెలిసి తీవ్ర ఉద్వేగానికి లోనయ్యా. ఆయన కుటుంబ సభ్యులకు నా ప్రగాఢ సానుభూతి. ఆయన పాటలెప్పుడూ మన హృదయాల్లో నిలిచిపోతాయి. ఓం శాంతి. -వీవీఎస్‌ లక్ష్మణ్‌
- దేవుడా.. ఈ ఏడాది.. రోజూ దారుణంగా మారుతోంది. ఎస్పీబీ గారి ఆత్మకు శాంతి చేకూరాలి. -రవిచంద్రన్‌ అశ్విన్‌
- అతిగొప్ప గాయకుల్లో ఒకరైన బాలసుబ్రహ్మణ్యం గారి మధుర స్వరం మనందరి హృదయాల్లో ఎప్పటికీ నిలిచి ఉంటుంది. ఆయన లోటు పూడ్చలేనిది. కుటుంబసభ్యులకు, బంధుమిత్రులకు ప్రగాఢ సానుభూతి తెలియజేస్తున్నా. -గౌతమ్‌ గంభీర్‌
- పాట రూపంలో మీరు ఎప్పుడూ బతికే ఉంటారు సార్‌. -సన్‌రైజర్స్‌ హైదరాబాద్‌