2020 మహిళల టీ 20 ప్రపంచకప్లో ఏఏ జట్లు ఆడబోతున్నాయో ప్రకటించింది అంతర్జాతీయ క్రికెట్ మండలి(ఐసీసీ). మొత్తం 10 దేశాలకు అవకాశం దక్కింది. ర్యాంకింగ్స్లో తొలి 8 స్థానాల్లో ఉన్న జట్లతో పాటు క్వాలిఫయింగ్ పోటీల్లో నెగ్గిన బంగ్లాదేశ్, థాయ్లాండ్ పొట్టి ప్రపంచకప్లో పోటీపడనున్నాయి.
అర్హత పోటీల్లో స్కాట్లాండ్పై నెగ్గిన బంగ్లాదేశ్.. గ్రూప్-ఏలో ఆస్ట్రేలియా, భారత్, న్యూజిలాండ్, శ్రీలంకతో తలపడనుంది.
12 ఏళ్ల క్రితమే తన తొలి అంతర్జాతీయ క్రికెట్ మ్యాచ్ ఆడిన థాయ్లాండ్ మహిళల జట్టు.. టీ 20 ప్రపంచకప్కు అర్హత సాధించి చరిత్ర సృష్టించింది. గ్రూప్-బీలో ఇంగ్లాండ్, దక్షిణాఫ్రికా, వెస్టిండీస్, పాకిస్థాన్ జట్లను ఢీకొట్టనుంది.
ఆస్ట్రేలియా ఆతిథ్యమివ్వనున్న ఈ టోర్నీ వచ్చే ఏడాది ఫిబ్రవరి 21 నుంచి మార్చి 8 వరకు జరగనుంది. మొత్తం 23 మ్యాచ్లు నిర్వహించనున్నారు. తొలి మ్యాచ్లో ఆస్ట్రేలియాతో తలపడనుంది భారత మహిళల జట్టు.
ఇది చదవండి: యాషెస్ ఆసీస్ వైపు.. ఇబ్బందుల్లో ఇంగ్లాండ్!
