'కోహ్లీని చూద్దామని వచ్చి.. అభిమానులు మోసపోయారు'

మొతేరాలో టీమ్​ఇండియా సారథి కోహ్లీని చూడటానికి వచ్చిన అభిమానులు మోసపోయారని అన్నాడు ఇంగ్లాండ్ కెప్టెన్ రూట్. ఎందుకో మీరూ తెలుసుకోండి.

ఇంగ్లాండ్​తో గులాబి (మూడో) టెస్టులో టీమ్​ఇండియా కెప్టెన్​ విరాట్​ కోహ్లీని చూడటానికి వచ్చిన అభిమానులు మోసపోయారని ఇంగ్లాండ్ సారథి జో రూట్ అన్నాడు. జిమ్మీ అండర్సన్, స్టువర్ట్ బ్రాడ్​ బౌలింగ్​లో కోహ్లీ ఆడటం చూడాల్సినవారు తాను వికెట్లు తీయటాన్ని వీక్షించారని చెప్పాడు.

"టీమ్​ఇండియా మాపై పూర్తి ఆధిపత్యం సాధించిందన్నది వాస్తవం. దానిని మేం అంగీకరిస్తున్నాం. అద్భుతమైన మైదానం, 60వేల మంది ప్రేక్షకుల మధ్య ఇంత గొప్ప టెస్టు మ్యాచ్​లో పేలవ ప్రదర్శన చేయడం సిగ్గుచేటు. ఇక విరాట్ కోహ్లీని చూడటానికి వచ్చిన అభిమానులు మోసపోయారని భావిస్తున్నా. అండర్సన్, స్టువర్ట్ బ్రాడ్ బౌలింగ్​లో విరాట్​ ఆట చూద్దామని వచ్చిన ప్రేక్షకులు.. నేను వికెట్లు తీయడం చూడాల్సి వచ్చింది."

-జో రూట్, ఇంగ్లాండ్ కెప్టెన్

ఇరు జట్ల క్రికెటర్లకు అలాంటి పిచ్​ సవాలేనని అన్నాడు రూట్. చేయాల్సిందల్లా ముందున్న పరిస్థితులను ఎదుర్కోవడమేనని చెప్పాడు. అలాంటి వికెట్​పై గొప్ప ప్రదర్శన చేసిన టీమ్​ఇండియాకు అభినందనలు తెలిపాడు.

మొతేరాలో జరిగిన మూడో టెస్టులో ఆటపై ఇరు జట్ల స్పిన్నర్లు పూర్తి ఆధిపత్యం చూపారు. ఇంగ్లాండ్ స్టార్​ బౌలర్లు అండర్సన్, బ్రాడ్​లు ఒక్క వికెట్ తీయకున్నా.. ఐదు వికెట్లతో రూట్ అదరగొట్టాడు. అక్షర్ పటేల్, అశ్విన్​ల అద్భుత ప్రదర్శనతో ఈ మ్యాచ్​లో 10 వికెట్ల తేడాతో భారత్ గెలుపొందింది.

ఇదీ చూడండి:'పిచ్​ బానే ఉంది.. బ్యాటింగే చేయలేకపోయాం'