యాషెస్ సిరీస్ తొలి టెస్టులో ఆస్ట్రేలియా చేతిలో ఘోరపరాభవం మూటగట్టుకున్న ఇంగ్లాండ్ రెండో టెస్టులోనూ సత్తాచాటలేకపోయింది. లార్డ్స్ వేదికగా జరుగుతున్న ఈ మ్యాచ్ తొలి ఇన్నింగ్స్లో 258 పరుగులకే ఆలౌటైంది ఆతిథ్య జట్టు. టాస్ గెలిచి బౌలింగ్ ఎంచుకున్న ఆసీస్.. ఇంగ్లీష్ జట్టును కట్టడి చేసింది. ఇంగ్లాండ్ బ్యాట్స్మెన్స్ బర్న్స్(53), జానీ బెయిర్ స్టో (52) మినహా మిగతావారు పెద్దగా ఆకట్టుకోలేకపోయారు. కంగారూ బౌలర్లలో కమిన్స్ హాజిల్వుడ్, లయన్ తలో మూడు వికెట్లతో రాణించారు.
ముందు బ్యాటింగ్ చేసిన ఇంగ్లాండ్ ఖాతా తెరవకుండానే ఓపెనర్ జేసన్ రాయ్ వికెట్ కోల్పోయింది. హాజిల్వుడ్ బౌలింగ్లో బాన్క్రాఫ్ట్కు క్యాచ్ ఇచ్చాడు రాయ్. కాసేపటికే కెప్టెన్ రూట్(14)నూ పెవిలియన్ చేర్చాడు హాజిల్వుడ్. ఈ పరిస్థితుల్లో డిన్లై(30) - బర్న్స్(53) ఇన్నింగ్స్ను గాడిలో పెట్టే ప్రయత్నం చేశారు. వీరిద్దరూ 64 పరుగులు జోడించారు.