న్యూజిలాండ్తో జరిగిన తొలి టెస్టులో టీమిండియా పరాజయంపై మాజీ ఆటగాడు కపిల్ దేవ్ అసంతృప్తి వ్యక్తం చేశాడు. అలాగే పలు ప్రశ్నలను రేకెత్తాడు. ప్రతి మ్యాచ్ కోసం జట్టులో మార్పులు చేయడం సరికాదని తెలిపాడు.
"మనం న్యూజిలాండ్ ఆటతీరును ప్రశంసించాలి. వారు చాలా బాగా ఆడుతున్నారు. వన్డే సిరీస్, తొలి టెస్టుల్లో కివీస్‌ ఆడిన తీరు అద్భుతం. ఇక టీమిండియా విషయానికొస్తే. పదకొండు మందితో కూడిన ఓ జట్టును వరుసగా మ్యాచులు ఆడించరా? ప్రతీ మ్యాచ్ కోసం జట్టులో మార్పులు చేస్తూనే ఉంటారా? కొంతకాలంగా సీనియర్స్ మినహా ఏ ఒక్క యువ ఆటగాడికైనా జట్టులో శాశ్వత స్థానం కల్పించారా? జట్టులో తన స్థానంపై నమ్మకం లేనప్పుడు ఆ ఆటగాడు మెరుగైన ప్రదర్శన ఎలా చేయగలడు?"
-కపిల్ దేవ్, టీమిండియా మాజీ క్రికెటర్