టీమ్ఇండియా ఆల్రౌండర్ సురేశ్ రైనా పంద్రాగస్టున అంతర్జాతీయ క్రికెట్కు వీడ్కోలు పలికి సహచర ఆటగాళ్లు, క్రీడాభిమానులను షాక్కు గురి చేశాడు. భవిష్యత్తులో ఇంకా మంచి కెరీర్ ఉందని, చిన్నవయసులోనే రిటైర్ ఎందుకు పలికావంటూ చాలామంది ప్రశ్నించారు. తాజాగా దీనిపై స్పందించిన రైనా.. ఆలోచించనిదే ఏ నిర్ణయానికి రానని చెప్పాడు. తన నరనరాల్లో క్రికెట్ ప్రవహిస్తోందని చెప్పాడు.
"టీమ్ఇండియాలోకి రాకముందే, నా చిన్న వయసు నుంచే క్రికెట్ను ప్రాణంగా ప్రేమించా, ఆడా. నాకు తెలిసిందల్లా క్రికెట్ ఒక్కటే. ఇప్పటి వరకు దానికోసం ఏమి చేయాలో అంతా చేశా. నా నరనరాల్లో ఈ ఆట పాతుకుపోయింది. ఈ సుదీర్ఘ ప్రయాణంలో ఆ దేవుడు, నా కుటుంబం, అభిమానులు.. వారి ఆశీస్సులు నా ఎదుగుదలకు తోడ్పడ్డాయి. నా కుటుంబం, కోచ్లు, ఫిజిషయన్స్, ట్రైనర్స్, సహచర ఆటగాళ్లు, అభిమానులకు ప్రతిఒక్కరికి పేరుపేరున కృతజ్ఞతలు. రాహుల్ భాయ్, అనిల్ భాయ్, సచిన్ పాజీ, ముఖ్యంగా నా గురువు ధోనీ.. వీరందరీ సారథ్యంలో ఆడటం అదృష్టంగా భావిస్తున్నా. టీమ్ఇండియాను ఎప్పటికీ మర్చిపోలేను. జైహింద్."