ధోని.. విజిల్ పరక్కుమ్ పారు

ప్రాక్టీస్ కోసం ధోని మైదానంలో అడుగు పెట్టగానే అభిమానులు చేసిన సందడిని చెన్నై సూపర్ కింగ్స్ ట్విట్టర్లో పంచుకుంది. ఆ వీడియో సామాజిక మాధ్యమాల్లో చక్కర్లు కొడుతోంది.

కళ్లు చెదిరే స్టంపింగ్స్​తో అదరగొట్టే వికెట్ కీపర్. బెస్ట్ ఫినిషర్. వికెట్ల మధ్య చిరుతలా పరుగెత్తే వేగం ధోని సొంతం. జులపాల జుట్టుతో కెరీర్ ప్రారంభించి హెలికాప్టర్ షాట్​తో అభిమానుల మనసు దోచిన మహీ కనపడితే చాలు ఫ్యాన్స్​కి పూనకాలే. మరోసారి ధోని ఫ్యాన్ ఫాలోయింగ్ ఏంటో ఈ వీడియో చూస్తే తెలుస్తుంది.

అప్పుడే ఐపీఎల్ సందడి మొదలైంది. అన్ని జట్లు ప్రాక్టీస్​లో మునిగిపోయాయి. చెన్నై సూపర్ కింగ్స్ కూడా శిక్షణ ప్రారంభించింది. ప్రాక్టీస్ కోసం ధోని మైదానంలో అడుగుపెట్టగానే అభిమానులు ధోని..ధోని అంటూ అభిమానం చాటుకున్నారు. ఈ వీడియోను చెన్నై సూపర్ కింగ్స్ జట్టు ట్విట్టర్లో పంచుకుంది.