కెరీర్ ప్రారంభం నుంచి మిడిలార్డర్లోని వివిధ స్థానాల్లో ఆడిన మాజీ కెప్టెన్ ధోనీ.. టీమ్ఇండియాకు ఎన్నో అద్భుత విజయాలు అందించాడు. ఫినిషర్గానూ అదరగొట్టి మ్యాచ్ల్ని గెలిపించిన సందర్భాలు అనేకం. అయితే మహీకి ఇష్టమైన స్థానం? అంటే మనం ఐదు లేదా ఆరు అని అనుకుంటాం కానీ అతడికి నాలుగో స్థానమంటే చాలా ఇష్టమని మాజీ క్రికెటర్ ఆర్పీ సింగ్ చెప్పాడు.
"ఈ విషయంలో నేను అంచనా తప్పొచ్చు. కానీ నాలుగో స్థానంలో ఆడటమంటే చాలా ఇష్టమని ధోనీనే గతంలో చెప్పాడు. కానీ జట్టు అవసరాల దృష్ట్యా దిగువ స్థానాల్లో అతడు ఆడాల్సి వచ్చిందని నా అభిప్రాయం. నాలుగులో ఆడిన మహీ ఎన్నో మ్యాచ్ల్ని ఒంటిచేత్తో గెలిపించాడు. మనందరం మైకేల్ బేవన్ గురించి మాట్లాడుతాం కానీ ధోనీనే ఆ స్థానానికి సరైన బ్యాట్స్మన్"