డేవిడ్ వార్నర్​ కుమార్తె కోహ్లీకి వీరాభిమాని

స్టార్ క్రికెటర్ వార్నర్​ సతీమణి ఆసక్తికర విషయాన్ని చెప్పింది. తమ రెండో కుమార్తె భారత జట్టు కెప్టెన్ కోహ్లీకి చాలా పెద్ద అభిమాని అని వెల్లడించింది.

డేవిడ్ వార్నర్​ ఆస్ట్రేలియా క్రికెటర్​ అయినప్పటికీ.. ఐపీఎల్​ ద్వారా భారత క్రికెట్ అభిమానులకు చాలా దగ్గర అయిపోయాడు. అయితే అతడి రెండో కుమార్తె ఇండీ మాత్రం టీమ్​ఇండియా కెప్టెన్ కోహ్లీకి వీరాభిమాని.

ట్రిపుల్ ఎమ్ సిడ్నీ 104.9 ఎఫ్​ఎమ్ ఛానెల్​కు ఇచ్చిన ఇంటర్వ్యూలో వార్నర్​ భార్య క్యాండీస్​ ఈ విషయాన్ని వెల్లడించింది. సదరు ఎఫ్ఎమ్​ తన వీడియోను ట్వీట్ చేయగా, సారీ వార్నర్​ అంటూ ఈమె రీట్వీట్ చేసింది.

ప్రస్తుతం ఆస్ట్రేలియా పర్యటనలో భాగంగా సిడ్నీలోని క్వారంటైన్​లో ఉన్నారు టీమ్​ఇండియా ఆటగాళ్లు. వీరితో పాటు ఐపీఎల్​ పాల్గొన్న వార్నర్, స్మిత్, కమిన్స్ తదితరులు కూడా అక్కడే ఉన్నారు.

నవంబరు 27న భారత్-ఆస్ట్రేలియా మధ్య తొలి వన్డే జరగనుంది. ఈ పర్యటనలో భాగంగా మూడు వన్డేలు, మూడు టీ20లు, నాలుగు టెస్టులు ఆడనున్నారు.

కుమార్తెలతో డేవిడ్ వార్నర్

వార్నర్ కుమార్తెలు ఇవీ, ఇండీ