చెన్నై బౌలర్ల జోరు... కోల్​కతా బ్యాటింగ్​ బేజారు

చెన్నై సూపర్ కింగ్స్​తో మ్యాచ్​లో మొదట బ్యాటింగ్ చేసిన కోల్​కతా నిర్ణీత 20 ఓవర్లలో 9 వికెట్ల నష్టానికి 108 పరుగులు చేసింది. చెన్నై బౌలర్లు సమష్టిగా రాణించారు. రసెల్​ ఒక్కడే అర్ధశతకంతో రాణించాడు.

కోల్​కతాతో మ్యాచ్​లో చెన్నై బౌలర్లు విజృంభించారు. బ్యాట్స్​మెన్​కు ఏమాత్రం అవకాశం ఇవ్వకుండా వరుసగా వికెట్లు తీశారు. టాస్ గెలిచి మొదట బౌలింగ్ చేసిన చెన్నైకి దీపక్ చాహర్ మూడు వికెట్లతో శుభారంభాన్ని అందించాడు. క్రిస్ లిన్, ఊతప్ప, నితీష్ రానాను ఔట్ చేసి కోల్​కతా శిబిరంలో ఆందోళన నింపాడు. 9 పరుగులకే మూడు కీలక వికెట్లు కోల్పోయింది కోల్​కతా. కార్తీక్, శుభమన్ గిల్ కూడా విఫలమయ్యారు.

అనంతరం 8 పరుగుల వ్యక్తిగత స్కోరు వద్ద రసెల్ క్యాచ్​ హర్భజన్ జారవిడిచాడు. ఊపిరిపీల్చుకున్న రసెల్ తర్వాత అర్ధశతకంతో చెలరేగి జట్టుకు గౌరవప్రదమైన స్కోర్ అందించాడు. నిర్ణీత 20 ఓవర్లలో 108 పరుగులు చేసింది కోల్​కతా జట్టు.

చెన్నై బౌలర్లలో దీపక్ చాహర్ మూడు వికెట్లతో ఆకట్టుకోగా.. హర్భజన్ సింగ్, ఇమ్రాన్ తాహిర్ చెరో రెండు వికెట్లు తీశారు