ఆ రికార్డులో బుమ్రాను అధిగమించిన చాహల్​

టీ20ల్లో టీమ్​ఇండియా స్పిన్నర్ చాహల్ కొత్త రికార్డు సాధించాడు. పొట్టి క్రికెట్​ ఫార్మాట్​లో అత్యధిక వికెట్లు తీసిన భారత బౌలర్​గా తొలి స్థానంలో నిలిచాడు. తర్వాతి స్థానంలో బుమ్రా కొనసాగుతున్నాడు.

టీ20 ఫార్మాట్​లో భారత స్పిన్నర్​ యుజ్వేంద్ర చాహల్​ కొత్త ఫీట్ సాధించాడు. పొట్టి ఫార్మాట్​లో భారత్​ తరఫున అత్యధిక వికెట్లు తీసిన బౌలర్​గా నిలిచాడు. బుమ్రా 59 వికెట్లతో అతడి తర్వాతి స్థానంలో ఉన్నాడు.

అహ్మదాబాద్ వేదికగా ఇంగ్లాండ్​తో జరిగిన తొలి టీ20లో జాస్​ బట్లర్​ వికెట్ తీయడం ద్వారా.. చాహల్​ ఈ రికార్డు​ అందుకున్నాడు. టీ20ల్లో 49 మ్యాచ్​లాడిన బుమ్రా 59 వికెట్లు తీసుకోగా.. 46 మ్యాచ్​ల్లో 60 వికెట్లతో అగ్రస్థానంలో నిలిచాడు ఈ మణికట్టు స్పిన్నర్​.

మొదటి టీ20లో తొలుత బ్యాటింగ్​ చేసిన టీమ్​ఇండియా నిర్ణీత ఓవర్లలో కేవలం 124 పరుగులే చేసింది. అనంతరం ఛేదనకు దిగిన ఇంగ్లాండ్ 15.3 ఓవర్లలోనే లక్ష్యాన్ని చేరుకుంది. ఐదు మ్యాచ్​ల సిరీస్​లో మోర్గాన్ సేన 1-0 ఆధిక్యంలోకి దూసుకెళ్లింది. తదుపరి మ్యాచ్​ మార్చి 14న జరగనుంది.

ఇదీ చదవండి:'ఫైనల్లో సహజంగా ఆడండి.. ఎలాంటి మార్పులు చేయొద్దు'