సామ్ కరన్​​లో ధోనీ లక్షణాలు: బట్లర్

సామ్ కరన్​లో ధోనీ లాంటి బ్యాటింగ్​ స్టైల్ కనిపిస్తోందని అన్నాడు ఇంగ్లాండ్ తాత్కాలిక కెప్టెన్ బట్లర్. భారత్​తో చివరి వన్డేలో అద్భుత ప్రదర్శన చేసిన కరన్.. 95 పరుగులతో నాటౌట్​గా నిలిచి మ్యాన్​ ఆఫ్ ది మ్యాచ్​ సొంతం చేసుకున్నాడు.

మూడో వన్డేలో టీమ్​ఇండియాపై అదిరిపోయే బ్యాటింగ్ చేసిన సామ్ కరన్​ను ఇంగ్లాండ్ తాత్కాలిక కెప్టెన్ బట్లర్​ ప్రశంసించాడు. అతడిలో ధోనీ లక్షణాలు కనిపిస్తున్నాయని అభిప్రాయపడ్డాడు. గత ఐపీఎల్ సీజన్​లో చెన్నై సూపర్​కింగ్స్​ తరఫున ధోనీ సారథ్యంలో సామ్ కరన్ ఆడాడు.

"ఈరోజు(ఆదివారం) ఇన్నింగ్స్​ గురించి సామ్ కరన్, ధోనీతో మాట్లాడాలనుకుంటున్నాడు. అలానే మహీ బ్యాటింగ్​ లక్షణాలు కరన్​లో కనిపిస్తున్నాయి" అని మూడో వన్డే అనంతరం బట్లర్ చెప్పాడు.

ధోనీతో సామ్ కరన్

ఆదివారం జరిగిన ఈ మ్యాచ్​లో తొలుత బ్యాటింగ్ చేసిన భారత్.. 48.2 ఓవర్లలో 329 పరుగులకు ఆలౌటైంది. ఛేదనలో ఇంగ్లాండ్ 50 ఓవర్లలో 322/9 మాత్రమే చేయగలిగింది. సామ్ కరన్(95 నాటౌట్) అద్భుత పోరాటం చేసినప్పటికీ తమ జట్టును గెలిపించలేకపోయాడు.

ఏప్రిల్ 9 నుంచి ఐపీఎల్ కొత్త సీజన్ ప్రారంభం కానుంది. చెన్నై సూపర్​కింగ్స్ తొలి మ్యాచ్​లో దిల్లీ క్యాపిటల్స్​తో తలపడనుంది.

ఇవీ చదవండి: