భారత్తో జరిగే 5 మ్యాచ్ల టీ 20 సిరీస్కు 16 మందితో కూడిన జట్టును ప్రకటించింది ఇంగ్లాండ్. జోస్ బట్లర్, జానీ బెయిర్ స్టో తిరిగి జట్టులోకి రానున్నారు. అహ్మదాబాద్లో మార్చి 12 నుంచి 20 వరకు ఈ సిరీస్ జరగనుంది.
టీమ్ఇండియాతో తొలి టెస్టు అనంతరం బట్లర్ స్వదేశానికి వెళ్లాడు. కాగా, బెయిర్ స్టోకు తొలి రెండు టెస్టులకు విశ్రాంతినిచ్చింది పర్యటక జట్టు. టెస్టు సిరీస్ మొత్తానికే వైదొలిగిన ఆల్రౌండర్ సామ్ కరన్ కూడా టీ 20 జట్టుకు ఎంపికయ్యాడు. టీ-20ల్లో అదరగొడుతోన్న డేవిడ్ మలన్ కూడా పొట్టి క్రికెట్లో ఆడనున్నాడు. రానున్న ఐపీఎల్ వేలంలో ఇతడిపై ఫ్రాంఛైజీలు ఆసక్తి చూపుతాయనడంలో ఆశ్చర్యం లేదు.
స్టార్ పేసర్లు జేమ్స్ అండర్సన్, స్టువర్ట్ బ్రాడ్ టీ 20 జట్టులో లేరు. జోఫ్రా ఆర్చర్ మాత్రం టీ20ల్లో ఆడనున్నాడు. వన్డే జట్టును త్వరలోనే ప్రకటించనుంది ఇంగ్లీష్ జట్టు.