ఆ అలవాటును తగ్గించే ప్రయత్నంలో కుల్​దీప్​

రోజూ బౌలింగ్ ప్రాక్టీసు చేస్తున్న భారత స్పిన్నర్ కుల్​దీప్ యాదవ్.. బంతిపై లాలాజలం రుద్దకుండా ఉండేందుకు తీవ్రంగా ప్రయత్నిస్తున్నట్లు చెప్పాడు.

భారత స్పిన్నర్ కుల్​దీప్​ యాదవ్.. సొంత ఊరిలో ప్రాక్టీసు మొదలుపెట్టాడు. రోజుకు నాలుగు గంటలపాటు నెట్స్​లో బౌలింగ్ చేస్తున్నట్లు చెప్పాడు. అయితే ఐసీసీ విధించిన కొత్త నిబంధనల వల్ల బంతిపై సలైవా(లాలాజలం) రుద్దకుండా ఉండేందుకు తీవ్రంగా ప్రయత్నిస్తున్నట్లు చెప్పుకొచ్చాడు.

టీమ్​ఇండియా బౌలర్ కుల్దీప్ యాదవ్

"గత వారం నుంచి రోజుకు రెండు సెషన్స్​(ఉదయం, సాయంత్రం) నెట్స్​లో భౌతిక దూరం పాటిస్తూ బౌలింగ్ ప్రాక్టీసు చేస్తున్నా. కొన్ని వారాల్లో మ్యాచ్​లకు సిద్ధమవుతానని భావిస్తున్నా. చిన్నప్పటి నుంచి బంతి మెరుపు కోసం ఉమ్మి రాయడం అలవాటు. ఐసీసీ కొత్త నిబంధనల వల్ల ఆ అలవాటు మానుకోవాలని అనుకుంటున్నా."

-కుల్​దీప్యాదవ్, భారత బౌలర్

కరోనా ప్రభావంతో బంతిపై లాలాజలం, చెమట రుద్దడాన్ని అంతర్జాతీయ క్రికెట్​ మండలి నిషేధించింది. అయితే ఈ విధానాన్ని కొందరు సమర్ధిస్తుండగా, మరికొందరు మాత్రం దీనికి ప్రత్యామ్నాయం చెప్పాలని అంటున్నారు.

ఇవీ చదవండి: